131
Risaroro AMISY Ai
Daud apa ransyerano Israel ukiny dai arono wanya usea no Yavar Amisy no Yerusalem.
 
AMISY, risyamo syo taune rinararine ramu,
muno syo sya popane ranepate ramu.
Risyamo inanuga nto irati anakotaro ntiti rave raije ramu,
muno nto irati anakotaro mo sya ana idaene rakivane raije ramu.
Weramu tugae, risyamo imainda no muno rino mariraave,
maisyare arikainyo tuvane tuna akoeya rarijate wemaisy.*
Arikainye niki mariraave arono akoeya mo akepan,
maisyare wemaisy rinanuga som no mariraave.
Inya, Israel syare wasanaveo AMISY amen,
nai unumeso ntoa nuge nuganui.
* 131:2 Ayao Ibrani maisyare so: ‘‘arikainyo po akoeya ama ukame rapaya to pa.’’