95
95-ci Ǐvel mə̌ğ
1 Ekinan mə̌ğpi Q'ončuğoy s'iya alaben,
Mǔq səsur c'evk'i yaynak' çark'est'ala sa q'aya Bakalt'u alxışp'en!
2 Şot'ay bakala gala şükürbsun bağen,
Tərifbala mə̌ğurq'an c'eri beşi ǰomoxun barta!
3 Şot'o görə ki, Q'ončux bitot'uxun üst'ün bakala Buxačuxe,
Bito buxačuxxoy loxol kala Padçağ bakalone Şo.
4 Oç̌ali oq'a bakala ən bə̌ğə̌loy ganxoval Şot'ay kiyele,
Oç̌ali ç̌oye bakala buruxmoğoy bulurxoval!
5 Dənizxoval Şot'aye, axıri İçine yaratmişe şot'oğo,
Q'ariluğal Şot'aye - İz kiine düzbe şot'oğo!
6 İsə ekinan İz běš biti bul k'os'ben,
Yax yaratmişi Q'ončuğoy běš diz çökt'en.
7 Beşi Buxačuxe Şo,
Yaynak' Çoban baki yax běğalone,
Yanal Şot'ay běği bəsləyinşala sa sürü,
Şot'ay kul iz loxol bakala sa azuk'.
Ğe Şot'ay səsə ibakat'an
8 Merivina bakit'ullarik' inadkər ma bakanan!
Massina, t'e ams'i oç̌ala
9 Efi bavoğon Bezi bit'oğo içoğoy piin ak'iyal bakayt'un,
P'urumal Zaxun şüpələyinşt'unbaki,
Bezi içoğoxun baki nu baksunat'un yoxlayinşbsun çureśi!
10 Q'ırx usen şot'oğoy loxol tez běği Zu,
İz yaq'a aç̌esp'i, düz yaq'a c'eysun nu çureğala t'e nəsiləxun Bez ç̌oya tarazdi!
11 Əcuğon biq'iyal
"Bezi şot'oğoynak' həzirbi t'e irəətluğa tur tet'un ç̌axk'al şot'oğon" pi elasezpi Zu!