93
93-ci Ǐvel mə̌ğ
1 Q'ončuxe me dünyəne padçağluğbalo!
Şone tamtarağa İz loxol paltar taradala k'inək' taradalo,
Şone zora İz bı̌yex q'ayinşa ğaç̌k'ala k'inək' ğaç̌p'iyo.
Dünyənə t'etəre laxi ost'aarbe ki, galtenek'on şo.
2 Hələ dünyə yaranmişakamin padçağ bakalonu Hun, ay Q'ončux,
Burqesunaxunal běše laxeśe Vi taxt'!
3 Mone, xeyurxone ěqesa,
Gür xene səse eysa, ay Q'ončux,
Ləpoğone duğsa bə̌ğə̌loyluğxoy loxol!
4 Ama tene haq'sa dənizxon Q'ončuğoy pula,
Zorbane göynul Bakalo t'e bə̌ğə̌loyluğxoy loxol ěqeśi ləpoğoxun.
5 Nu badalbakala buyruğxone Vi tadi buyruğxo, ay Q'ončux,
Ǐvelluğe Vi xrama həmişəluğ gözəlluğ tadalo.