87
87-ci Ǐvel mə̌ğ
Goraxi ğarmoğoy Ǐvel mə̌ğ.
1 İçeynak' c'ək'p'i Sion buruğoy loxole laxe Buxačuğon İzi məsk'ən saki şəhərə,
2 İak'ovi nəsili bakala bito ganxoxun üst'üne laxsa Şot'in
Sion buruğoy bel bakala t'e ganu.
3 Běğa vi s'i hetəre t'ap'esa, ay Buxačuğoy şəhər!
4 Raxav q'a Vavilon Za bul k'os'balt'oğoy siyəyinə bakale,
Filist'luğo, surluğo q'a k'uşluğoval
"Siona nanaxun bakiyorox" uk'alt'un!
5 Metər uk'alt'un Sioni barada:
"Me amdarxo bito memiyalut'un,
Ala Arśit'in İçin laxi ost'aarbi me şəhəri amdarxot'un".
6 Q'ončuğonal azuk'xo siyəyinə haq'at'an
Şot'oğo "sionlu" k'inək' siyəyinə haq'ale.
7 Bitot'in mə̌ğpi əçik'alt'un,
"Vast'ane beş bəxt'əvərluğ" pi içoğoy mǔqluğa ak'est'alt'un.