46
46-ci Ǐvel mə̌ğ
Fark'alxoy dəst'in kalat'aynak'. Goraxi ğarmoğoy Alamot'en mə̌ğěğala Ǐvel mə̌ğ.
1 Beş bač'an, yax zor tadalone Buxačux,
T'ar ğine beş kiyexun biq'alone Şo.
2 Mot'o görəl q'ı̌teyanbsa yan!
Oç̌al ǰı̌k'eğayin,
Buruxmux śareśi dənizi tume barayin,
3 Xeyur ěqeśi buruxmoğo iz ganuxunal galdayin,
Yaynak' q'ı̌ butene!
4 Tağala oqure c'ovaksa Buxačuğoy şəhərexun,
Mǔqluğe eşt'a Ala Arśit'ay məsk'ən saki ganu.
5 Buxačuğon İçeynak' k'oj bi şəhər tene galk'on iz ganuxun,
İşiğ bitat'an şot'ay loxole İz pul!
6 Millətxone vəlvəlinə badon,
Padçağluğxone çökt'est'on,
Dünyəni səsəne bot'on Buxačuğoxun c'eğala səsen!
7 Q'oşuniQ'ončux yaxune,
İak'ovi Buxačux beş bač'ane.
8 Ekinan, Q'ončuğoy bi əşurxo běğanan,
Oç̌ali ç̌oyexun əfçibit'oğo ak'anan.
9 Dünyəni sa belxun baśi t'e belxune c'eri:
Davoğone efi Şot'in,
Xişt'ik'xo q'a oxurxone xoxp'i śipi,
Davin araboğone bəc'ük't'i.
10 "Bəsp'anan, Zuzu Buxačux!
Bez s'i t'ap'eğale azuk'xoy boş,
Zuzu me dünyəni kalo" nexe.
11 Q'oşuniQ'ončux yaxune!
İak'ovi Buxačux beş bač'ane!