136
136-ci Ǐvel mə̌ğ
1 Q'ončuğo şükürbanan, şaat' bakalone Şo,
Həmişəluğe Şot'ay nu badalbakala çuresun.
2 Bito buxačuxxoxun üst'ün bakalt'u şükürbanan,
Həmişəluğe Şot'ay nu badalbakala çuresun.
3 Bito q'ončuxxoy Q'ončux bakalt'u şükürbanan,
Həmişəluğe Şot'ay nu badalbakala çuresun.
4 Saycə Şone nu ak'eśi əşurxo biq'alo,
Həmişəluğe Şot'ay nu badalbakala çuresun.
5 İz müdrikluğen göyurxo yaratmişiyone,
Həmişəluğe Şot'ay nu badalbakala çuresun.
6 Şone xeyurxoy loxol oç̌ali binorina laxiyo,
Həmişəluğe Şot'ay nu badalbakala çuresun.
7 Göynul bakala kala çirağxo yaratmişiyone Şo,
Həmişəluğe Şot'ay nu badalbakala çuresun.
8 Ğenaxun işiğ saki kalaluğbala běğa,
Həmişəluğe Şot'ay nu badalbakala çuresun.
9 Üşe işiğ saki kalaluğbala xaşa q'a muč'uliğo,
Həmişəluğe Şot'ay nu badalbakala çuresun.
10 Şot'in misirluğoy boş k'ə k'ojin kala ğar bunesa besebi,
Həmişəluğe Şot'ay nu badalbakala çuresun.
11 İsrailluğo isə şot'oğoy oç̌alaxun c'evek'i,
Həmişəluğe Şot'ay nu badalbakala çuresun.
12 İz zorba kiin, İz hər şeya başarbala kiine c'evk'i şot'oğo t'et'iin,
Həmişəluğe Şot'ay nu badalbakala çuresun.
13 Č'oč'a dənizi xenane cöybi Şot'in,
Həmişəluğe Şot'ay nu badalbakala çuresun.
14 Dənizi bı̌yexune taşeri israilluğo,
Həmişəluğe Şot'ay nu badalbakala çuresun.
15 Faraona q'a şot'ay q'oşuna isə Č'oč'a dənizə bapi batevek'i,
Həmişəluğe Şot'ay nu badalbakala çuresun.
16 İz azuk'a ams'i oç̌alen taşeriyone Şo,
Həmişəluğe Şot'ay nu badalbakala çuresun.
17 S'ila padçağxo əfçibiyone,
Həmişəluğe Şot'ay nu badalbakala çuresun.
18 Zorba padçağxone k'as'p'i Şot'in,
Həmişəluğe Şot'ay nu badalbakala çuresun.
19 Emorluğoy padçağ Sixona,
Həmişəluğe Şot'ay nu badalbakala çuresun.
20 Başani padçağ Oga,
Həmişəluğe Şot'ay nu badalbakala çuresun.
21 Şot'oğoy oç̌alxo içoğoy kiyexun ext'i p'ə̌bulla tanedi,
Həmişəluğe Şot'ay nu badalbakala çuresun.
22 İz k'ul bakala İsrailane tadi ki, ene şot'ayq'an baki,
Həmişəluğe Şot'ay nu badalbakala çuresun.
23 Beşi t'ar ğimxost'a yax eyexun nu c'evk'iyone Şo.
Həmişəluğe Şot'ay nu badalbakala çuresun.
24 Yax düşmənxoy kiyexun çark'est'iyone,
Həmişəluğe Şot'ay nu badalbakala çuresun.
25 İçoğoy boş nəfəs bakalt'oğoy saycət'u busa nu efalone Şo,
Həmişəluğe Şot'ay nu badalbakala çuresun.
26 Göynul bakala Buxačuğo şükürbanan,
Həmişəluğe Şot'ay nu badalbakala çuresun!