110
110-ci Ǐvel mə̌ğ
Davidi Ǐvel mə̌ğ.
1 Q'ončuğon bez q'ončux bakalt'u pine:
«Zu vi düşmənxo vi turin oq'a sakamin
Bez yön tərəf, ən hörmətlu gala arśa».
2 Siona arśi kalaluğbalnu hun bito oç̌alxoy loxol,
Düşmənxoy loxol kalo laxale va Q'ončuğon.
3 Vi bač'ane çurk'ale vi azuk' davina c'eğala ğine,
İçoğoynak' ı̌vel bakala davin paltara lapi
Vaxun sagala düşməni loxol taysun bakale şot'oğoy çureğalo.
Zor eğale vi kiyelal hər t'e cəyilxo ak'at'an,
Təzələyinşakalnu hun hər savaxt'an təzələyinşakala xo k'inək'.
4 "Hun Melk'isedek'allarik' həmişəluğ bakala samci běyinšnu" pine elasp'e Q'ončuğon,
İz pi əyiti loxol çurk'alone Şo."
5 Vi kiyexun biq'ale Q'ončuğon,
K'as'p'i śik'ale padçağxo
İzi əcuğoy k'ə baksuna ak'est'ala ğine.
6 Divanbi zapest'ale azuk'xo içoğoy cazina,
Şot'oğoy meyidxo bakale oç̌alen sa,
Č'ak'k'ale me dünyəne içoğoy əyit c'ovakalt'oğoy bula!
7 Xe ǔğə̌le iz yaq'e loxol bakala orayinxoxun,
İz bul ala, tik çurk'ale bitot'ay běš.