al-Zobur 8
Ebadot-bondegi forisaloḳor lagi: shur ‘Gittit’.
Hozrot Daudor mizmor.
1 O Mabud amrar malik, tumar shan-shouḳote bora hara dunia!
Tumar nuror tozolli ḳaim ḳorso asman geria!
2 Tumar birudi oḳlor bifokke,
geda ar nabalik huruttar mukor zobandi
tumi shoktir banḍar banaiso.
Ola ḳoria dushmon ar zidkurre
tumi leṭaililae.
3 Tumar ator banail asmanor baedi ami zebla sai,
hono tumar boail ḳora sand-tera deḳtam fai,
4 dekia mone mone ḳoi,
manush aroḳta kita zen, tumi tarare iad ḳoro?
Adom zati oto kita zen, tumi tarar kial raḳo?
5 Manushre banaiso ḳali firista taki tuṛa ḳom guni,
oile gourob-ijjotor mala to tarare findaiso tumi.
6 Tumar foyda hokkoltare shashonor ḳemota erar ato diso,
hokkolta-u erar faor tolat, erar aotae raḳso—
7 goru-sagolor fal ar zogotor tamam zanuar,
8 asmano uṛra faki ar doriar hokkol mas,
shagoror fanit solra hoḳol nomunar zandar.
9 O Mabud amrar malik, tumar shan-shouḳote bora hara dunia.