al-Zobur 15
Hozrot Daudor mizmor.
1 O Mabud, tumar dorbaro meman oar ḳe zoiggo,
kun manush tumar fobitro faṛo roar zoiggo?
2 Ze zone nikut zindegi kaṭae,
nek amole din guzrae,
zar dil taki hok mat bar oy.
3 Oinno manshor bodnam ze zone gae na,
tar kunu dustor ḳeti he ḳore na,
ari-forir durnam-o he roṭae na.
4 Ku-foti naforman taki horia roy ze,
borong Allar fiara bondare ijjot ḳore he,
ar nizor ḳeti mania-o oada furon ḳore.
5 Ṭeḳa-foysha ḳorzo dey shud na loia,
ni-oforadir fokko loy gush na ḳaia.
Ou laḳan amole sole zei zon,
kunudin-u gabṛito nae hou sadu mon.