al-Zobur 16
Hozrot Daudor foriad.
1 Tumi amare hefazote raḳo Alla go,
ami to asroy loisi tumar-u dorbaro.
2 Mabudre ḳoisi ami, “Amar-u munib tumi,
tumi saṛa nai to balai ami nichchit zani.”
3 Zominor forezgar bondain tumar sokut ijjoti,
tarar loge-u amar dusti ar firiti.
4 Oile Alla saṛa oinno nam zeta zone loy,
tarar boṛo duḳ-mosibot baṛibo nichchoy.
Zetar name dey tara bolir lou bilaia,
itar nam to loitam nae amar muke dia.
5 Mabud-u amar don, amar fiasor fani,
amar ḳofal ase to tan ato-u zani.
6 Amar baṭo foṛse zeta doulotor shimana,
mirashdari dekia souke dil deoana.
7 Mabudor shukria zanai!
Buddi-foramish to dein tain-u amare,
raitor bala hushiar raḳe amar bibeḳe.
8 Amar souk hamesha roy Mabudor bae ḳali,
tain-u amar ḍain galat, alitam nae ami.
9 Te kushie bora amar dil, furti korer foran,
amar ḳayae borosha faia ḳore shanti-aram.
10 Amare falaitae nae tumi goin fatalo,
tumar ashik bondar koy nai to ḳoyboror gato.
11 Deḳairae zindegir fot amare tumi,
tumar didaror maze ase furafur furti,
tumar ḍain ḳandat ase siroḳalin shuk-shanti.