3
Salamoti kurbanir niom
1 “Kunu manshe zudi Mabudor name nizor kushie salamoti kurbani adae ḳorar niote kunu gai ba bisalre kurbani dito sae, te i goru furafur nikut oite oibo.
2 Kurbani deorae ou foshur ḳolla ataia dia, Milon-tambur duaror samne iṭare zobo ḳorbo. Bade imam Harunor fuaintor mazor imam oḳole ogur lou nia kurbani kanar sairo galat siṭai diba.
3 Ar kurbani deorae Mabudor name ana salamoti kurbanir foshur ou ongsho oḳol diba. Ogur feṭor bitoror hokkoltar ufror sorbi,
4 duio kiḍni ar otar sorbi, ḳoiljar logor maṭia, ou hoḳolta ania imamor gese diba.
5 Bade Harunor fuainte kurbani kanar ufre hazail daru ar kurbanir foshur ufre ita hoḳolta rakia eḳloge zalailiba. Ita to eḳ nomunar agunit deoa kurbani, itar dumar gerane Mabud kushi oin.
6 “Kunu manshe zudi Mabudor name salamoti kurbani adae ḳorar lagi sagol-meṛar fal taki kunu foshure kurbani dibar niot ḳore, te i foshu meda ba medi oile-o solbo, oile iṭa furafur nikut oite oibo.
7 Kurbani dibar niote zudi meṛa ane, te Mabudor samne iṭa azir ḳorba.
8 Kurbani deorae ou meṛar ḳolla atai dia, Milon-tambur duaror samne iṭare zobo ḳorbo. Bade imam Harunor fuaintor mazor imam oḳole ogur lou nia kurbani kanar sairo galat siṭai diba.
9 Kurbani deorae Mabudor name agunit deoa kurbani hishabe ana, ou salamoti kurbanir meṛar hoḳol sorbi imamor gese diba. Tain sorbi ala lenguṛ, feṭor bitoror hoḳoltar ufror sorbi, itar loge lagail sorbi,
10 duio kiḍni ar otar hoḳol sorbi, ḳoiljar logor maṭia, ota hoḳolta ania imam sabor gese diba.
11 Imame ita nia kurbani kanar agunir ufre zalailiba, ita oilo Mabudor name agunit deoa kurbanir ḳani.
12 “Ar kurbani dibar niote he zudi sagol ane, te he iṭare Mabudor samne azir ḳorbo.
13 He ogur ḳolla atai dia, Milon-tambur duaror samne iṭare zobo ḳorbo, bade Harunor fuainte ogur lou nia kurbani kanar sairo galat siṭai diba.
14 Kurbani deorae foshur ou ongsho oḳol nia, Mabudor name agunit deoa kurbani hishabe imamor gese dibo. He foshur feṭor bitoror hoḳoltar ufror sorbi, itar loge lagail sorbi,
15 duio kiḍni ar otar ufror sorbi, ḳoiljar logor maṭia, ota hoḳolta ania imamor gese dibo.
16 Imame ita hoḳolta nia kurbani kanar ufre zalailiba, ita to agunit deoa kurbanir ḳani, itar dumar gerane Mabud kushi oin.
“Mono rakio, kurbanir foshur hokkol sorbi oilo Mabudor.
17 Tumra bongshor for bongsho doria ou niom manio, zekunu zagat boshot ḳoro na ḳene kunudin sorbi ba lou ḳaio na, ita haram.”