36
Hali mu̱handu̱ wa bahi̱i̱mi̱. Zabbu̱li̱ gya Dau̱di̱, muheereza wa Mukama.
1 Kibii kihwehwetira mubiibi,
mu mutima gwamwe,
nikimugaana ku̱ti̱i̱na Ruhanga.
2 Yeetembya yankei,
naateekereza Ruhanga talyega bibii byamwe akamujunaana.
3 Bigambu bya kanwa kaamwe bibba kabii na b̯u̱gobya,
aleki̱ri̱ho kwetegereza na kukora birungi.
4 Ateekereza b̯ubiibi naali mu ntabbu gyamwe,
yeeteereeri̱ho mihanda mitali mirungi,
tasuula kibii.
5 Ngonzi zaamu zinene, ai̱ Mukama, zidwa mwiguru,
b̯wesigwa b̯wamu mu byalu.
6 Mananu gaamu gali nka nsahu za maani,
b̯winganiza b̯wamu nka ndi̱ha gilei.
Ai̱ Mukama, ojuna bantu na bisolo.
7 Ai̱ Ruhanga, ngonzi zaamu zinene zili za muhendu!
Nahab̯waki̱kyo baana ba bantu b̯wesigwa b̯wab̯u baab̯uta
mu̱tu̱ntu̱lu̱ gwa bimpaha byamu.
8 Nibadya ha binene bya mu nnyu̱mba gyamu,
obaha kyakunywa kuruga ha mugira gwa kusemererwa kwamwo.
9 Kubba muli we hooho hali musu gwa b̯womi,
mu kyererezi̱ kyamu tuwonamwo kyererezi̱.
10 Oteeryeho ngonzi zinene hali bab̯wo bakukwega,
obahe b̯winganiza baterekereru̱ mitima.
11 Kitasoboka magulu ga bamyehembu kumpondeera,
nab̯ugwakabba mukono gwa mubiibi kumbinga.
12 Wona bankora bibii ku̱bagwi̱ri̱,
babatitiniri̱ tibakusobora kubyoka!