١٢٤
١ إِزْڒِي ن ؤُڭعّذْ. ن ذَاوُوذْ.
 
مْڒِي سِيذِي وَارْ كِيذْنغْ إِبدّْ!
إِنِي ث خنِّي أَمُّو، أَ إِسْرَائِيل،
٢ مْڒِي سِيذِي وَارْ كِيذْنغْ إِبدّْ،
ؤُمِي أَكِيذْنغْ د-كَّارنْ إِوْذَانْ،
 
٣ إِڒِي سَارْضنْ أَنغْ أَمْ ندَّارْ،
ؤُمِي يَارْغَا ؤُخيّقْ نْسنْ خَانغْ،
٤ إِڒِي أَمَانْ فيّْضنْ خَانغْ،
إِڒِي إِشْثْ ن ڒْْحمْڒثْ ثكَّا خْ ڒعْمَارْ نّغْ،
٥ إِڒِي أَمَانْ إِحَاجنْ كِّينْ خْ ڒعْمَارْ نّغْ.
 
٦ أَذْ إِتّْوَابَاركْ سِيذِي،
ونِّي وَارْ د أَنغْ إِتّجِّينْ
ذ ثَاكشَّاضْثْ إِ ثغْمَاسْ نْسنْ.
٧ ڒعْمَارْ نّغْ يَارْوڒْ
أَمْ وجْضِيضْ زِي ڒْْفخْ ن ؤُنڭْمَارْ.
ڒْْفخْ يَارژْ ؤُ نشِّينْ ننْفكّْ.
 
٨ ثْوِيزَا نّغْ ثْبدّْ ذڭْ يِيسمْ ن سِيذِي،
ونِّي إِڭِّينْ إِجنْوَانْ ذ ثمُّورْثْ.
 
 
١٢٤:٧ أَوڒن. 6‏:‏5 ١٢٤:٨ إِزهد. 121‏:‏2