Da 43. Psalm.
En Gebayt An Di Zeit Funn Druvvel
1 Shaff's aus fa mei recht, oh Gott,
un nemm mei sacha uf geyyich en ungettlich folk,
mach mich frei funn zvay-ksichtichi un falshi mensha.
2 Du bisht da gott funn mei graft,
favass hosht du mich vekk kshtohsa?
Favass muss ich dravvahlich rumm heah gay,
un nunnah gedredda sei bei mei feinda?
3 Shikk dei licht un dei voahheit naus,
loss si mich fiahra,
so es si mich zu dei heilichah hivvel bringa,
un an da blatz es du bleibsht.
4 No gayn ich an da awldah funn Gott,
zu Gott, deah es mei grohsi frayt is;
un ich dank dich mitt di harf,
oh Gott, mei Gott.
5 Favass bisht du bedreebt, oh mei sayl,
un bisht so unruich in miah?
Du dei hofning in Gott,
fa ich zayl een viddah lohva,
veil eah mei hilf un mei Gott is.