या किताब म आमोस को भविष्य सूचक संदेश हय। आमोस एक जनावर चरावन वालो १:१ अऊर एक किसान ७:१४ होतो। तब परमेश्वर न ओख अपनो भविष्यवक्ता बनन लायी बुलायो। आमोस तकोआ देश म होतो जो यहूदा को दक्षिनी राज्य म होतो, पर ओको बहुत सो संदेश उत्तर को इस्राएल राज्य को लायी होतो। आमोस न तब भविष्यवानियां करी जब उज्जियाह यहूदा को राजा होतो अऊर यारोबाम दूसरो इस्राएल को राजा होतो। यो लगभग ७५० ई. स. पहले की बात आय।

आमोस न पहले दोय अध्यायों म कयी राष्ट्रों को खिलाफ न्याय की भविष्यवानी करी, पर ओको बहुत सो संदेश इस्राएल को लायी होतो। यो इस्राएल को लायी समृद्धि को समय होतो। ऊ समृद्धि को दौरान हि परमेश्वर ख भूल गयो अऊर गरीबों को संग बुरो व्यवहार करयो २:६। येकोलायी परमेश्वर को न्याय उन्ख गुलाम बनाय क लिजानो होतो ७:१७। फिर भी परमेश्वर न वादा करयो की ऊ परमेश्वर को लोगों ख उन सब दूसरो देशों पर फिर सी जीत हासील करन म मदत करेंन जिन पर उन्न अतीत म शासन करयो होतो ९:१२।