2
मोआब
यहोवा यो कह्य हय : “मोआब को बार बार करयो हुयो अपराधों को वजह, मय ओकी सजा नहीं छोड़ूं; कहालीकि ओन एदोम को राजा की हड्डियों ख जलाय क राख बनाय दियो। येकोलायी मय मोआब प्रदेश म आगी लगाऊं, अऊर ओको सी करिय्योत नगर को किल्ला जर क भस्म होय जायेंन; अऊर मोआब हल्ला अऊर ललकार, अऊर नरसिंगा को आवाज होतो-होतो मर जायेंन। मय ओको बीच म सी शासक को नाश करूं, अऊर संगच संग ओको सब अधिकारी ख भी मार डालूं,” यहोवा को योच वचन आय।
यहूदा
यहोवा यो कह्य हय : “यहूदा प्रदेश को बार बार करयो हुयो अपराधों को वजह, मय ओकी सजा नहीं छोड़ूं; कहालीकि ओन यहोवा की व्यवस्था ख तुच्छ जान्यो, अऊर मोरो नियम ख नहीं मान्यो; अऊर अपनो झूठो देवतावों को वजह जेको पीछू उन्को पूर्वज चलत होतो, हि भी भटक गयो हंय। येकोलायी मय यहूदा म आगी लगाऊं , अऊर ओको सी यरूशलेम नगर को किल्ला जर क भस्म होय जायेंन।”
इस्राएल को न्याय
यहोवा यो कह्य हय : “इस्राएल को तीन का, बल्की चार अपराधों को वजह, मय ओकी सजा नहीं छोड़ूं; कहालीकि ओन निर्दोष ख पैसा लायी अऊर गरीब ख एक जोड़ी जूतियों को दामों म बेच डाल्यो हंय। हि कमजोर अऊर कंगालों को मुंड जमीन की धूल को समान कुचल देवय हय, अऊर नम्र लोगों ख रस्ता सी हटाय देवय हंय; अऊर बाप-बेटा दोयी एकच कुमारी को जवर जावय हंय, जेकोसी मोरो पवित्र नाम ख अपवित्र ठहराये। हि हर एक वेदी को जवर गिरवी रख्यो कपड़ा पर सोवय हंय, अऊर जुर्माना को पैसा सी लियो हुयो अंगूरीरस अपनो देवता को मन्दिर म पी लेवय हय। मय न उन्को आगु सी एमोरियों ख नाश करयो होतो, जेकी लम्बाई देवदार को झाड़ को जसी, अऊर जिन्की ताकत बांज झाड़ों को जसो होतो; तब भी मय न ऊपर सी ओको फर, अऊर खल्लो सी ओकी जड़ी नाश करी। 10 मय तुम्ख मिस्र देश सी निकाल लायो, अऊर निर्जन जागा म चालीस साल तक ले क फिरतो रह्यो, कि तुम एमोरियों को देश को अधिकारी होय जावो। 11 मय न तुम्हरो टुरावों म सी भविष्यवक्ता होन लायी अऊर तुम्हरो कुछ जवानों म सी नाज़ीर होन लायी ठहरायो। हे इस्राएलियों, का यो सब सच नहाय?” यहोवा की या वानी आय। 12 पर तुम न नाज़ीरों* ख अंगूरीरस पिलायो, अऊर भविष्यवक्तावों ख आज्ञा दी कि भविष्यवानी मत करो। 13 देखो, मय तुम्ख असो दबाऊं, जसो अनाज गठ्ठावों सी भरी हुयी गाड़ी खल्लो दबायी जावय हय। 14 येकोलायी तेज दौड़नवालो ख भग जान की जागा नहीं मिलेंन, अऊर सामर्थी को सामर्थ कुछ काम नहीं देयेंन; अऊर नहीं पराक्रमी अपनो जीव बचाय सकेंन; 15 धनुर्धारी टिक नहीं सकेंन, अऊर फुर्ती सी दौड़नवालो नहीं बचेंन; सवार भी अपनो जीव नहीं बचाय सकेंन; 16 अऊर शूरवीरों म जो जादा धीर होना, ऊ भी ऊ दिन नंगो भग जायेंन, यहोवा यो कह्य हय।
2:9 व्यवस्थाविवरन ३:८-११ 2:11 गिनती ६:१-८ * 2:12 प्रथा को अनुसार परमेश्वर ख समर्पित करयो हुयो