43
Israel awa ana udanajo Amisye Ai arono una no munijo aroo*
Sya Amisy, syare Nyo patimugo moyare raugaje irati rinai,
syare Nyo marimbe rinai no susyo umarovave Winai so mai.
Syare Nyo inapaya irati vatano aarurijate muno mamune maneme rai.
Weye Amisy Winyirati rinino naowan.
Mbeanimaibe irati winaneme mpaya rinai?
Mbeanimaibe sya marova wo rinatawanto,
weti rinanimaumbe tutir?
Syare Nyo Nya vare muno Nya ayao tugae raude rinai,
indamu mo inajum, muno mo inaugav syakaore no Nya Yavaro ntuna ri,
no Sion unato ndandinit.
Wea indati syore no Amisy Nya tewa orame rai,
syore te no Amisye Winamun, Winyirati sya inananibe muno inanayanambe no rave Nai.
Indati rikiny kangkamambe Winai, syo itari mamaune raeyan dai.
Amisy, Winyirati sya Amisy!
 
Mbe animaibe inanuga so mamaun?
Mbe animaibe rinanimaumbe no inanuga so rai?
Koveamo inanaveano Amisye obo amen,
weye Opirati sya Amisy, Po inapaya irati kakai rai,
weti indati syo kove raura seo Ai jakato.
* 43: Masmur 43 mamo arono wusyinoeamo mbe intabove Masmur 42 rai. 43:3 unato ndandinit: unate so ndandinit weye omamo unato terave AMISY tuna rai.