148
Naume muno mine so kangkamambe AMISY Ai
1 AMISY ararimbe!
Kangkamambe AMISY Ai no Manunggara,
Kangkamambe Ai no munijo ntiti!
2 Inya, naito Amisy wea tenambe, wakangkamambe Ai!
Inya, Apa naito wapanapatambe Aije wea bintabo, wakangkamambe Ai!
3 Inya, uma muno embae, kangkamambe AMISY Ai!
Inya, kotaro tumo mba dave, kangkamambe Ai!
4 Inya, naumo ntiti rave, kangkamambe Ai!
Inya, mana ntuna no naume ama vono warae, kangkamambe Ai!
5 Koveamo anakotar tenambe kangkamambe AMISY Ai,
weye Wepi anamote webo mamo anakotare no tenambe.
6 Wepi Po anakotar tenambe raosor muno Po ama ntuna rije rapatimu,
ti inta mo inta rakivandije kakai yara no tawan tutira nuge nuganui.
7 Kangkamambe AMISY Ai no mine so,
inya, nawanan maneka muno tawae akokoe kotar ntuna no ama uga rai!
8 Inya, ivake muno maru oram, aivavu muno kamayo,
ovaro rep mbeto Apa anamote rai!
9 Inya, unate muno papukame,
inya, inyoaman rayanyum muno inyo kotaro ntubai no anate rai!
10 Inya, maere kotaro nsisyaube muno kotaro ngkokobe,
anakotaro nsanon muno insani!
11 Inya, akarijo titi mine weap muno susye kotar tenambe mine so,
akarijo rui vayave muno pemerinta mine so tenambe!
12 Inya, arikainyo anya mansae muno arikainyo wanya mansae weap,
vatan anui muno vatano kamuram!
13 Koveamo wea tenambe wakangkamambe AMISY Ai
weye Apa tame webo mirati ntitijo kaije rakivan,
Apa kovo ntiti mo mine so muno naume warae rakivan.
14 Wepi Po Apa vambunine raugasyo Apa kawasae mansai to.
Weti Apa vatano matawandi utavondi Ai nawamo wo ararimbe,
onawirati vatano Israel, Amisy taune anuga no mansai rave.
AMISY ararimbe!