112
Kove ngkov irati vatano ubeta AMISY Aije mai
1 AMISY ararimbe!
Kove ngkov irati vatano are pirati po AMISY asyanive ai,
napirati anayanambe beto ananyao AMISY rai.
2 Apa arikainye nanawamo indati ube akarive no munije so;
muno susyo vatano utavondi Amisy Ai nanawamo indati Po kove raugaje mai.
3 Apa yavaruga mamo indati romane muno ananuge ntairi rai,
muno opamo beto ananyao Amisye obo rai tawan tutir.
4 Opamo be unanuive vatano kaijo utavondi Amisye Ai mai,
maisyare yawainyo mbaro unanui ngkaumudi rai wemaisy.
Opamo muiny dave, aemeno vatano kaije mai, muno moyar.
5 Kove ngkov irati vatano are pirati bekobe ti po apa ananuge rapapaya vayave irati vatano wo ranajo mai,
opamo anakere kotaro po raijare mamo po raijaro anuga moyare obo rai.
6 Weye vatano beto Amisye Ai opamo teto tindimuve tawan tutira ntoa nuge nuganui,
weti vatano kaijinta mansaemendi ai tutira nuge nuganui.
7 Ayao ngkove jewen nde ai mamo po rasyanive ramu,
anuga mamo mbambunin weye panave tugaive AMISY Ai.
8 Opamo anuga ntindimu, muno janive ramu,
weye po raen indati AMISY Wepi Po apa marova mapinde.
9 Po apa romane raunanto manakoeve irati vatano awa ana jajewembe mai,
muno opamo beto ananyao Amisye obo rai tawan tutir.
Weti opamo vambunine raugasyo ai muno vatane wo apa tame raijaseo titive.
10 Vatano mamune wo anakotaro ngkov nde ai raen, umba manuga ntatupami ai;
upari ai ti matomokane ntitiki ai.
Weramu umaso nao ugwenen ti mewen,
muno awa ubekero wo ratantona mamo raumandita vintabo.