4
4-ci Ǐvel mə̌ğ
Mə̌ğk'alxoy dəst'in kalat'aynak'. Simlə ət't'əcxon farpi mə̌ğěğala Davidi Ǐvel mə̌ğ.
1 Ay bezi taxsırsuz baksuna ç̌oyel c'evk'es bakala Buxačux,
Va k'alk'at'an za ibaka!
Hun bez t'ar ğine za p'ap'alonu,
Za gorox eki, bez afırına ibaka!
2 Ay insanxo, bəse ene bezi s'iya batevk'iyo,
Bəse efi ams'i şeymoğo bul k'os'bi əfçin qoşt'an taśiyo!
3 Axıri düzgünt'u Q'ončuğon İçeynak' c'ək'p'ene,
Zu Q'ončuğo k'alk'at'an, Şot'in za inebaksa.
4 Q'ı̌banan, günax ma banan,
Ef bula bernu laxat'an şip' baki saal ef ük'e bakalt'u yoxlayinşanan.
5 Q'urbanxo Q'ončuğon pi k'inək' eçanan,
Hər şeya Şot'in yönə badale.
6 Gelet'ine "şuva yax t'e şaat'luğ tadalo" nex,
Ay Q'ončux, barta yan Vi ük'e bask'en!
7 Bol arum q'a fi bakalt'oğoy mǔqluğ
Vi za tadala mǔqluği t'ǒğǒl hik'k'ale!
8 Bezi bula bernu laxi bask'at'anal hik'k'alaxun tez q'ı̌bal, ay Q'ončux,
Şot'aynak' ki, Hunen za Vi q'ənədi oq'a ext'i!