124
124-ci Ǐvel mə̌ğ
Sion buruğoy bel bakala Yerusalima lağat'an mə̌ğěğala Ǐvel mə̌ğ
"Əgər Q'ončux beş tərəf nu bakiyniy",
Barta israilluğon me əyitmoğo peq'at'un,
2-3 "Əgər düşmənxo beş loxol eğat'an,
Şot'oğoy əcuğ beş loxol bəc'ük'eğat'an Q'ončux beş tərəf nu bakiyniy,
İsə yax dirist'-dirist' q'uc'p'et'uniy şot'oğon!
Xenen ç̌axk'ala k'inək' ç̌axp'et'uniy isə yax,
Sel hari barala k'inək' baret'uniy beş loxol,
Gür oqe xe hari c'ovakala k'inək' c'ovakalt'uniy şorox beş loxolxun".
 
Şükürq'an baki Q'ončuğo,
Yax xə̌ye k'əc' bi şot'oğoy běš tene boseri.
Ǒxə̌lbali tora baft'i ganuxun purpi c'eri q'uşallarik',
Tore zığbaksunen iz elmoğo çark'est'i q'uşallarik'yan çark'eśi yan.
Q'ončux İç,
Göyurxo q'a oç̌ala yaratmişi Q'ončuxe yax kul biq'alo.