123
123-ci Ǐvel mə̌ğ
Sion buruğoy bel bakala Yerusalima lağat'an mə̌ğěğala Ǐvel mə̌ğ
Bez bul ala mandene,
Ay göyurxo İçeynak' taxt' biyo!
Nökəren iz q'ončuğoy,
Çuux-q'ulluğçinenal iz xanımi kiyel běğala k'inək',
Yanal beşi Buxačux bakala Q'ončuğoy kiyelyan běğsa,
Şot'ay piyes şaat' ak'esunayan yaq'běğsa.
 
Beş loxol běğa, ay Q'ončux, beş loxol běğa,
Bəsebaki yax bitot'ay iz ǰomo eğalt'u upsun.
Boyanşi yan yax lağa haq'alt'oğoy pis əyitmoğoxun,
Beşi loxol alaxun oq'a běğalt'oğoy yax nifrətbsunaxun.