113
113-ci Ǐvel mə̌ğ
1 Q'ončuğo halalq'an baki!
"Q'ončuğo halalq'an baki" upanan, ay Şot'ay k'ulurxo,
Q'ončuğoy s'iya duği "halalq'an baki" upanan!
2 Barta həysəəl, meyin oşa həmişəəl
Q'ončuğoy s'iya duği alxışq'at'unbi.
3 Barta běğ c'eğala tərəfəxun burqi běğ batk'ala tərəfəl śirik'
Q'ončuğoy s'iq'an t'ap'eśi!
4 Bito azuk'xoy kalo bakalone Q'ončux,
Göyurxoy t'e ç̌oyelal t'ap'esa Şot'ay s'i.
5 Beşi Buxačux bakala Q'ončuğo p'ap'alo butene,
Ala arśiyone Şo!
6 Göyurxoval, oç̌ali ç̌oyal alaxun oq'a běği ak'alone.
7 Kəsibə iz biti ganuxun alabalo,
Fağıra oč'in boşt'an c'evk'i ěqevk'alone Şo.
8 Şot'oğo eçeri s'ila amdarxoxun,
Azuk'i kalat'oğoxun sa sulfin bel arśevk'alone.
9 Əyel nu eçes bakala çuğo k'oj-mes balo,
Şot'o əylin q'ončux bi mǔq sa nana balone.
Q'ončuğo halalq'an baki!