36
Esavıke g'abıynbı
1 Esavın (mang'uk'le Edomvad eyhenniy) nasılın taarix inəxüd vod.
2 Esavee Kana'anne içeeşike q'öyre hee'e: Q'etbışda eyxhena Elonna yiş Ada, Q'ivbışda eyxhena Tsiveonna neva Anahna yiş Oholivama.
3 Sayir mang'vee I'smı'ı'lyna yiş, Nevayotna yiçu yeexhena, Basmat hee'e.
4 Adee Esavıs Elifaz uxooxa, Basmateeme Reuel uxooxa.
5 Oholivamee Yeuş, Yalamiy Qorax uxooxa. Esavıs Kana'anne cigabışee vuxhayn dixbı inbı vob.
6 Esavee xhunaşşebı, dixbı, yişbı, cune xaabın gırgınbı, syurıbı, gırgın həyvanar, Kana'anne cigabışee hı'iyn gırgın kar alyaat'u, çocune Yaaq'ubne k'anençe menne cigabışeeqa ayk'an.
7 Manbışiqa kar geedva manbışisse sacigee aaxvas vəəxə deş, syurıbı geedva mane cigabışee manbı oohar deş.
8 Esav (mang'un medın do Edom) Seirne suvabınane cigee axva.
9 Edombışda dek eyxhene Esavın Seirne suvabınane cigabışee axvang'an taarix inəxüd vod.
10 Esavne dixbışin dobı inbı vod:
Esavne xhunaşşeyna Adayna dix Elifaz, Esavne xhunaşşeyna Basmatna dix Reuel.
11 Elifazın dixbı:
Teman, Omar, Tsefo, Gatam, Qenaz.
12 Timna Elifazna həmbal zəiyfa yixha. Məng'ee Elifazıs Amalek uxooxa. Esavne xhunaşşeyn Adayn nevabı inbı vob.
13 Reuelin dixbı inbı vob:
Naxat, Zerax, Şamma, Mizza, manbı Esavne xhunaşşeyn Basmatın nevabı vob.
14 Esavne xhunaşşeyn Oholivamanın (mana Tsiveonna neva, Anahna yiş yixha) dixbı inbı vob:
məng'ee Esavıs Yeuş, Yalam, Qorax vuxooxa.
15 Esavıke g'abıynbışin ç'ak'ınbı inbı vob.
Esavne ts'erriyne dixen Elifazıke g'abıynbı:
xərna Teman, xərna Omar, xərna Tsefo, xərna Qenaz,
16 xərna Qorax, xərna Gatam, xərna Amalek. Edomne cigabışee Elifazıke vuxhayn ç'ak'ınbı inbı vob. Manbı Adayn nevabı vob.
17 Esavne dixen Reuelike g'abıynbı vob:
xərna Naxat, xərna Zerax, xərna Şamma, xərna Mizza. Edomne cigabışee Reuelike vuxhayn ç'ak'ınbı inbı vob. Manbı Esavne xhunaşşeyn Basmatın nevabı vob.
18 Esavne xhunaşşee Oholivamee vuxuynbı inbı vob:
xərna Yeuş, xərna Yalam, xərna Qorax. Manbı Esavne xhunaşşeyn Anahne yişşen Oholivamanne nasıleençen ç'ak'ınbı vob.
19 İnbı Esavın (mang'un medın do Edom) dixbı vob, manbıb mang'uke g'abıynbışin ç'ak'ınbı vob.
20 Mane cigabışee vooxhene Seirın (mana Xorbışda eyxhe) dixbı inbı vob:
Lotan, Şoval, Tsiveon, Anah,
21 Dişon, Etser, Dişan. Edomne cigabışee Xorbışis xəbvalla haa'an Seirın dixbı inbı vob.
22 Lotanayn dixbı:
Xori, Hemam. Lotanna yiçu Timna yixha.
23 Şovalın dixbı inbı vob:
Alvan, Manaxat, Eval, Şefo, Onam.
24 Tsiveonun dixbı inbı vob:
Ayya, Anah. Dekkın Tsiveonun əməler uxhiyxhanang'a, ç'iyek avğançe g'ümən xhyan ı'lqəən cigabı aveykına Anah mana vor.
25 Anahın uşaxar inbı vob:
Dişoniy Anahna yiş Oholivama.
26 Dişonun dixbı inbı vob:
Xemdan, Eşban, İtran, Keran.
27 Etserin dixbı inbı vob:
Bilhan, Zaavan, Aqan.
28 Dişanın dixbı inbı vob:
Utsiy Aran.
29 Xorbışiken ç'ak'ınbı inbı vob:
xərna Lotan, xərna Şoval, xərna Tsiveon, xərna Anah,
30 xərna Dişon, xərna Etser, xərna Dişan. Seirne cigabışeene nasılbışis sik'ı Xorbışin ç'ak'ınbı manbı vob.
Edomne cigabışeen paççahar
31 İzrailee paççahar vuxhesse, Edomne cigabışee paççahiyvalla hav'uynbı inbı vob:
32 Edomna paççah Beorna dix Bela. Mang'une şaharın do Dinhaba ıxha.
33 Bela qek'ana, mang'une cigeeqa Botsreençene Zeraxna dix Yovav paççah eyxhe.
34 Yovav qek'ana, mang'une cigeeqa Temanbışde cigabışeençena Xuşam paççah eyxhe.
35 Xuşam qek'ana, mang'une cigee Moavne cigabışee Midyanbı gyapxına Bedadna dix Hadad paççah eyxhe. Mang'une şaharın do Avit ıxha.
36 Hadad qek'ana, mang'une cigee Masreka eyhene şahareençena Şamla paççah eyxhe.
37 Şamla qek'ana, mang'une cigee damayne k'anene Rexovot eyhene şahareençena Şaul paççah eyxhe.
38 Şaul qek'ana, mang'une cigee Akborna dix Baal-Xanan paççah eyxhe.
39 Baal-Xanan qek'ana, mang'une cigee Hadar paççah eyxhe. Mang'une şaharın do Pau ıxha. Mang'une xhunaşşeyn do Mehetavel ıxha. Mana Matredna yiş, Mezahavna neva yixha.
40 Esavne nasıleençene ç'ak'ınbışin nasılbışisiy cigabışis sik'ı dobı inbı vod:
xərna Timna, xərna Alva, xərna Yetet,
41 xərna Oholivama, xərna Ela, xərna Pinon,
42 xərna Qenaz, xərna Temam, xərna Mivtsar,
43 xərna Magdiel, xərna İram. Cone ölkee, co vooxhene cigabışee, cigabışis sik'ı Edomun ç'ak'ınbı inbı vob.
Esavır Edombışda dek eyxhe.