7
Allar Kaba Shorifre boail ḳora
1 Hozrot Musae Allar gor bananir ḳam shesh ḳoria hari, fobitro tel siṭaia gorre fak-fobitro ḳorla. Ar goror hoḳol mal-samana, kurbani kana ar er logor tal-bashon hokkolta fak-fobitro ḳorla.
2 Ou din Boni Israilor baro ḳandanor shordar oḳol nanan zator ufohar loia aila. Era oila zarzir gusṭir fordan manush, tarar dayitto asil gonia alog kora hoḳol manshor deḳa-huna ḳora.
3 Mabudor name tara sani ala soyḳan gorur gaṛi, barogu goru loia Allar goror samne aila. Forteḳ shordaror torof taki eḳṭa ḳori goru ar dui zonor torof taki ekkan ḳori gorur gaṛi deoa oilo. Tara ita ania Allar goror samne toila.
4 Teu Mabude Musare ḳoila,
5 “Tumi tarar ges taki ota shomzia raḳo, zate Milon-tambur ḳamo lagani zae. Lebi kandanor ḳadim oḳlor ḳam buzia tarar maze ota baṭia deo.”
6 Erlagi Musae ou gaṛi ar goru oguin Lebi kandanor ḳadim oḳolre baṭia dila.
7 Erar maze Lebir foyla fua Zarsunor gusṭir ḳam mafik dukan gorur gaṛi ar sairgu goru tarare dila,
8 ar aroḳ fua Mararir gusṭir ḳam buzia tarare dila sair ḳan gaṛi ar aṭgu goru. Imam Harunor fua Isamare ou ḳamor todarki korla.
9 Oile Lebir fua Kahator gusṭire ita kunta dila na, ḳaron niom asil tara ḳali fak-fobitro siz oḳol deḳa-huna ḳora, ar otare ḳando ḳori boia neoa.
10 Kurbani kanat fobitro tel siṭanir shomoy, ikanre boail ḳorar niote shordar oḳole zarzir boḳshish loia aila. Ania kurbani kanar samne toila.
11 Mabude Musare ḳoila, “Forteḳ din eḳ eḳ shordare kurbani kanare boail ḳorar niote tan boḳshish ania shomzaiba.”
12 Foyla din Ehuda ḳandanor shordar Aminadabor fua Nahishe tan boḳshish loia aila.
13 Tain dan-gomor sodgar lagi ebadot ḳanar mafe eḳ-sho tish tola uzonor rufar ekkan tal, ar shottoir tola uzonor rufar ek gamla ania dila, ou tal ar gamlat bora asil dan-gomor sodgar niote tel maḳail moyda.
14 Agor-kushboye bora dosh tola uzonor shunar eḳṭa baṭi,
15 zalail kurbanir lagi eḳṭa bisal, eḳṭa meṛa, eḳ bosor boyoshi egu meṛa-baichcha,
16 gunar koforar kurbanir lagi egu sagol,
17 salamoti kurbanir lagi dugu goru, fasgu meṛa, fasgu sagol ar eḳ bosor boyoshi fasgu meṛa-baichcha anla. Ita oilo Aminadabor fua Nahishor ufohar.
18 Dui nombor din Isaḳor ḳandanor shordar Sugaror fua Notonele boḳshish loia aila.
19 Tain dan-gomor sodgar lagi ebadot ḳanar mafe eḳ-sho tish tola uzonor rufar ekkan tal, ar shottoir tola uzonor rufar ek gamla ania dila, ou tal ar gamlat bora asil dan-gomor sodgar niote tel maḳail moyda.
20 Agor-kushboye bora dosh tola uzonor shunar eḳṭa baṭi,
21 zalail kurbanir lagi eḳṭa bisal, eḳṭa meṛa, eḳ bosor boyoshi egu meṛa-baichcha,
22 gunar koforar kurbanir lagi egu sagol,
23 salamoti kurbanir lagi dugu goru, fasgu meṛa, fasgu sagol ar eḳ bosor boyoshi fasgu meṛa-baichcha anla. Ota asil Sugaror fua Notonelor ufohar.
24 Tin nombor din Sobulon ḳandanor shordar Helonor fua Iliabe boḳshish loia aila.
25 Tain dan-gomor sodgar lagi ebadot ḳanar mafe eḳ-sho tish tola uzonor rufar ekkan tal, ar shottoir tola uzonor rufar ek gamla ania dila, ou tal ar gamlat bora asil dan-gomor sodgar niote tel maḳail moyda.
26 Agor-kushboye bora dosh tola uzonor shunar eḳṭa baṭi,
27 zalail kurbanir lagi eḳṭa bisal, eḳṭa meṛa, eḳ bosor boyoshi egu meṛa-baichcha,
28 gunar koforar kurbanir lagi egu sagol,
29 salamoti kurbanir lagi dugu goru, fasgu meṛa, fasgu sagol ar eḳ bosor boyoshi fasgu meṛa-baichcha anla. Ota asil Helonor fua Iliabor ufohar.
30 Sair nombor din Ruben ḳandanor shordar Shadiuror fua Alisure boḳshish loia aila.
31 Tain dan-gomor sodgar lagi ebadot ḳanar mafe eḳ-sho tish tola uzonor rufar ekkan tal, ar shottoir tola uzonor rufar ek gamla ania dila, ou tal ar gamlat bora asil dan-gomor sodgar niote tel maḳail moyda.
32 Agor-kushboye bora dosh tola uzonor shunar eḳṭa baṭi,
33 zalail kurbanir lagi eḳṭa bisal, eḳṭa meṛa, eḳ bosor boyoshi egu meṛa-baichcha,
34 gunar koforar kurbanir lagi egu sagol,
35 salamoti kurbanir lagi dugu goru, fasgu meṛa, fasgu sagol ar eḳ bosor boyoshi fasgu meṛa-baichcha anla. Ota asil Shadiuror fua Alisuror ufohar.
36 Fas nombor din Shimion ḳandanor shordar Shuroshadayor fua Shalumile boḳshish loia aila.
37 Tain dan-gomor sodgar lagi ebadot ḳanar mafe eḳ-sho tish tola uzonor rufar ekkan tal, ar shottoir tola uzonor rufar ek gamla ania dila, ou tal ar gamlat bora asil dan-gomor sodgar niote tel maḳail moyda.
38 Agor-kushboye bora dosh tola uzonor shunar eḳṭa baṭi,
39 zalail kurbanir lagi eḳṭa bisal, eḳṭa meṛa, eḳ bosor boyoshi egu meṛa-baichcha,
40 gunar koforar kurbanir lagi egu sagol,
41 salamoti kurbanir lagi dugu goru, fasgu meṛa, fasgu sagol ar eḳ bosor boyoshi fasgu meṛa-baichcha anla. Ota asil Shuroshadayor fua Shalumilor ufohar.
42 Soy nombor din Sadu ḳandanor shordar Duelor fua Iliasofe boḳshish loia aila.
43 Tain dan-gomor sodgar lagi ebadot ḳanar mafe eḳ-sho tish tola uzonor rufar ekkan tal, ar shottoir tola uzonor rufar ek gamla ania dila, ou tal ar gamlat bora asil dan-gomor sodgar niote tel maḳail moyda.
44 Agor-kushboye bora dosh tola uzonor shunar eḳṭa baṭi,
45 zalail kurbanir lagi eḳṭa bisal, eḳṭa meṛa, eḳ bosor boyoshi egu meṛa-baichcha,
46 gunar koforar kurbanir lagi egu sagol,
47 salamoti kurbanir lagi dugu goru, fasgu meṛa, fasgu sagol ar eḳ bosor boyoshi fasgu meṛa-baichcha anla. Ota asil Duelor fua Iliasofor ufohar.
48 Shat nombor din Afraim ḳandanor shordar Amihudor fua Alishamae boḳshish loia aila.
49 Tain dan-gomor sodgar lagi ebadot ḳanar mafe eḳ-sho tish tola uzonor rufar ekkan tal, ar shottoir tola uzonor rufar ek gamla ania dila, ou tal ar gamlat bora asil dan-gomor sodgar niote tel maḳail moyda.
50 Agor-kushboye bora dosh tola uzonor shunar eḳṭa baṭi,
51 zalail kurbanir lagi eḳṭa bisal, eḳṭa meṛa, eḳ bosor boyoshi egu meṛa-baichcha,
52 gunar koforar kurbanir lagi egu sagol,
53 salamoti kurbanir lagi dugu goru, fasgu meṛa, fasgu sagol ar eḳ bosor boyoshi fasgu meṛa-baichcha anla. Ota asil Amihudor fua Alishamar ufohar.
54 Aṭ nombor din Manosha ḳandanor shordar Fatoshuror fua Gomoliele boḳshish loia aila.
55 Tain dan-gomor sodgar lagi ebadot ḳanar mafe eḳ-sho tish tola uzonor rufar ekkan tal, ar shottoir tola uzonor rufar ek gamla ania dila, ou tal ar gamlat bora asil dan-gomor sodgar niote tel maḳail moyda.
56 Agor-kushboye bora dosh tola uzonor shunar eḳṭa baṭi,
57 zalail kurbanir lagi eḳṭa bisal, eḳṭa meṛa, eḳ bosor boyoshi egu meṛa-baichcha,
58 gunar koforar kurbanir lagi egu sagol,
59 salamoti kurbanir lagi dugu goru, fasgu meṛa, fasgu sagol ar eḳ bosor boyoshi fasgu meṛa-baichcha anla. Ota asil Fatoshuror fua Gomolielor ufohar.
60 Noy nombor din Bin-Iamin ḳandanor shordar Zidaunir fua Abidane boḳshish loia aila.
61 Tain dan-gomor sodgar lagi ebadot ḳanar mafe eḳ-sho tish tola uzonor rufar ekkan tal, ar shottoir tola uzonor rufar ek gamla ania dila, ou tal ar gamlat bora asil dan-gomor sodgar niote tel maḳail moyda.
62 Agor-kushboye bora dosh tola uzonor shunar eḳṭa baṭi,
63 zalail kurbanir lagi eḳṭa bisal, eḳṭa meṛa, eḳ bosor boyoshi egu meṛa-baichcha,
64 gunar koforar kurbanir lagi egu sagol,
65 salamoti kurbanir lagi dugu goru, fasgu meṛa, fasgu sagol ar eḳ bosor boyoshi fasgu meṛa-baichcha anla. Ota asil Zidaunir fua Abidanor ufohar.
66 Dosh nombor din Dan ḳandanor shordar Amishadar fua Akiazare boḳshish loia aila.
67 Tain dan-gomor sodgar lagi ebadot ḳanar mafe eḳ-sho tish tola uzonor rufar ekkan tal, ar shottoir tola uzonor rufar ek gamla ania dila, ou tal ar gamlat bora asil dan-gomor sodgar niote tel maḳail moyda.
68 Agor-kushboye bora dosh tola uzonor shunar eḳṭa baṭi,
69 zalail kurbanir lagi eḳṭa bisal, eḳṭa meṛa, eḳ bosor boyoshi egu meṛa-baichcha,
70 gunar koforar kurbanir lagi egu sagol,
71 salamoti kurbanir lagi dugu goru, fasgu meṛa, fasgu sagol ar eḳ bosor boyoshi fasgu meṛa-baichcha anla. Ota asil Amishadar fua Akiazaror ufohar.
72 Egaro nombor din Ashir ḳandanor shordar Ukranor fua Foziele boḳshish loia aila.
73 Tain dan-gomor sodgar lagi ebadot ḳanar mafe eḳ-sho tish tola uzonor rufar ekkan tal, ar shottoir tola uzonor rufar ek gamla ania dila, ou tal ar gamlat bora asil dan-gomor sodgar niote tel maḳail moyda.
74 Agor-kushboye bora dosh tola uzonor shunar eḳṭa baṭi,
75 zalail kurbanir lagi eḳṭa bisal, eḳṭa meṛa, eḳ bosor boyoshi egu meṛa-baichcha,
76 gunar koforar kurbanir lagi egu sagol,
77 salamoti kurbanir lagi dugu goru, fasgu meṛa, fasgu sagol ar eḳ bosor boyoshi fasgu meṛa-baichcha anla. Ota asil Ukranor fua Fozielor ufohar.
78 Baro nombor din Noftali kandanor shordar Inanor fua Ahire boḳshish loia aila.
79 Tain dan-gomor sodgar lagi ebadot ḳanar mafe eḳ-sho tish tola uzonor rufar ekkan tal, ar shottoir tola uzonor rufar ek gamla ania dila, ou tal ar gamlat bora asil dan-gomor sodgar niote tel maḳail moyda.
80 Agor-kushboye bora dosh tola uzonor shunar eḳṭa baṭi,
81 zalail kurbanir lagi eḳṭa bisal, eḳṭa meṛa, eḳ bosor boyoshi egu meṛa-baichcha,
82 gunar koforar kurbanir lagi egu sagol,
83 salamoti kurbanir lagi dugu goru, fasgu meṛa, fasgu sagol ar eḳ bosor boyoshi fasgu meṛa-baichcha anla. Ota asil Inanor fua Ahiror ufohar.
84 Te fobitro tel dia kurbani kanare boail ḳorar shomoy Boni Israilor shordar oḳole zeta dan ḳorsla ita oilo, baro ḳan rufar tal, baroṭa rufar gamla ar baroṭa shunar baṭi.
85 Ebadot ḳanar mafe forteḳ rufar talor uzon asil eḳ-sho tish tola ar gamlar uzon asil shottoir tola. Rufar hoḳol tal-bashonor muṭ uzon asil dui azar sair-sho tola.
86 Agor-kushboye bora forteḳ shunar baṭir uzon asil dosh tola, shunar baroṭa baṭir muṭ uzon asil eḳ-sho bish tola.
87 Zalail kurbanir lagi muṭ barogu bisal, barogu meṛa ar eḳ bosor boyoshi barogu meṛa-baichcha-o era dan ḳorsla. Ar erlogor dan-gomor sodgar hoḳol zinish. Gunar koforar kurbanir lagi muṭ barogu sagol deoa oisil.
88 Salamoti kurbanir lagi muṭ sobbishgu goru, shaiṭgu meṛa, shaiṭgu sagol, eḳ bosor boyoshi shaiṭgu meṛa-baichcha. Fobitro tel siṭaia hari kurbani kanare boail ḳorar shomoy ufohar hishabe i hoḳolta deoa oisil.
89 Erbade Musa nobie zebla-u Mabudor loge batchit ḳorar lagi Milon-tambut hamaita, ou shomoy shahadot shondukor ḍaḳnar ufre ze duio Karubi roin, erar mazḳan taki tan buli hunta. Mabude ou nomunae Musa nobir loge batchit ḳorta.