10
Hozrot Nuh (a:)or ḳandan-nama
1 Nuhor fuain Sham, Ham, ar Iafetor ḳandanor boyan. Banor bade tarar fua-fuṛi oisla.
2 Iafetor fuaintor nam: Gumor, Mazuz, Madoy, Iaban, Tubol, Meshok ar Tirosh.
3 Gumoror fuain: Oskinosh, Rifot ar Tugormo.
4 Iabanor fuain oila: Ilishah, Torshish, Kittim ar Rudanim.
5 Erar bongshor manshe nanan zator mat-ḳota, foribar ar zat hishabe doriar faror nanan desho sitri gela.
6 Hamor fuaintor nam: Kush, Mishor, Puṭ ar Kenan.
7 Kushor fuain: Soba, Hobila, Softa, Royma ar Softoḳa. Roymar fuain oila: Shaba ar Dodan.
8 Kushor eḳ fuar nam asil Nomrud. Ou Nomrud duniait foyluan oia uṭsil.
9 Mabudor gese he asil foyluan shikari. Erlagi ḍaḳor ḳota ase, manushṭa zen Mabudor samne Nomrudor laḳan foyluan shikari.
10 Shinar deshor Babil, Eroḳ, Okkod ar Kolni namor ṭaun oḳol loia he bashshai shuru ḳorlo.
11 On taki tar raijjo baṛia Ashiria desh forzonto gelo. Hoḳanor Ninob, Rohobotpur, Keloh
12 ar Reshon namor ṭaun oḳol-o tar banail. Reshon asil Ninob ar Kelohor mazḳano, i tinṭae milia eḳ biraṭ shohor oilo.
13 Mishoror bongsho oila ou zat oḳol: Ludi, Onami, Lohabi, Noftuhi,
14 Fotrushi, Kosluhi, ar Kofturi, ou Koftur dif taki Filistini oḳol bar oia aila.
15 Kenanor boṛo fua Sidon, bador fua Hiṭ, Hiṭṭi zatir mul baf.
16 Kenan asla Zibuzi, Amuri, Girgashi,
17 Hibbi, Arki, Sini,
18 Arbadi, Zomari ar Hamati, ou zati oḳlor mul baf. Heshe ou Kenani oḳol sairobae sitri gesla.
19 Sidon ṭaun taki Geraror muka Gaza forzonto, ar Gaza taki Sadum, Amura, Odma ar Soboyim zaoar fote Lasha forzonto Kenani oḳlor razotto asil.
20 Foribar, mat-ḳota, desh ar zat hishabe era asil Hamor ḳandan.
21 Iafetor boṛo bai Shamor-o fua-fuṛin oisla. Sham oila Aber ar tar ḳandanor baf.
22 Shamor fuaintor nam: Ilam, Ashur, Arfaksad, Lud ar Oram.
23 Oramor fuain: Uz, Hul, Getor ar Mosh.
24 Arfaksador fua Shaleḳ, ar Shaleḳor fuar nam Aber.
25 Aberor dui fua oisla, eḳzonor nam Falez [mani, alga], tan shomoy dunia alog oisil ḳori tan ou nam oilo. Falezor bair nam Iaktan.
26 Iaktanor fuain oila: Olmudod, Shelof, Hazramaot, Zeroh,
27 Hoduram, Uzal, Dikla,
28 Obol, Obimayel, Shaba,
29 Ofir, Hobila ar Zubob. Era hoḳol oila Iaktanor fuain.
30 Mesha taki fubedi Sefaro zaoar foto ze faṛi zaga ase, ono tara taḳta.
31 Foribar, mat-ḳota, desh, ar zat hishabe era oila Shamor ḳandan.
32 Zat ar bongsho hishabe era oilo Nuhor fuaintor foribar. Banor bade erar bongsho oḳole nanan zat oia asta duniait sitri gesla.