7
परमप्रभुमी दाऊद नु लोव़ पशो
१इतिहास १७:-
1 मिनु पिप आंम खिंम बाक्म नोले, परमप्रभु यावेम मेको कली आ एर ओंथ ङा जोरी सत्रु नेल्ल आन रे नाइक्चा गेवा बाक्त।
2 मिनु पिपमी परमप्रभु यावे आ लोव़ पाइब नाथान कली “कोव़ङीन। गो लेबानोन ङा लाइश्शो रवा आ शी के सेल्शो खिंम बाक्शो बाक्नुङ। तन्न परमप्रभु आ सन्दोस चहिं ताम्बुम बाक्ब” देंमाक्त। भजन संग्रह १३२:३-५
3 मिनु नाथानमी पिप कली “दुम्ब, इन थुंम मार बाक्मे, मेको पने। मारदे हना परमप्रभु यावे गे नु बाक्ब” देंमाक्त।
4 तन्न मेको नाक्दोन परमप्रभु यावेम नाथान कली लोव़ पवा बाक्त।
5 मार लोव़ पवा बाक्त देंशा हना “गे लशा, आं गेय पाइब दाऊद कली ‘गे आं कली बाक्चा कली खिं सेल्नेवे ङा? १इतिहास २२:८; १राजा ५:१७
6 गो इस्राएली आन कली इजीप्त रे चाक्गुमी रे मुल सम्म गेनायो खिंम मबाक्ङ। ताम्बु नु अरु बाक्तीकेम बाक्ती। १राजा ८:१६,२७; यसैया ६६:१
7 गो इस्राएल ङा आं मुरपुकी नु ते ते गाक्ङा, मेक मेक मार आं मुर इस्राएली आन कली कोव़ब, आन थर ङा ठेयब मुर आन कली आं कली लेबानोन ङा लाइश्शो रवा आ शी के खिं मारदे मसेल्नी’ देंङा ङा?
8 मोपतीके गे आं गेय पाइब दाऊद कली मुर नेल्ल आन परमप्रभु यावेमी मार देंत देंशा हना ‘इ कली, आं मुर इस्राएली आन कली कोव़ब दुम्पाइक्चा कली भेडा योव़तीक रे चाक्तन। १सामुएल १६:११-१३; २सामुएल ५:२
9 गे ते ते गाक्ङे, मेक मेक गो गे नु बाक्ती। गो इ जोरी सत्रु नेल्ल आन कली इ ङोंइती रे खेरतामी। गो इ नें रागी ङा ठेयब मुर आन नें खोदेंशो पा ठेयब सेल्नुङ।
10 गो आं मुर इस्राएली आन कली बाक्तीक का योव़नुङ। मिनु मेकोपुकी आंम आंम रागीम बाक्नीम। मुल रे मेको आन कली सुइम श्येत मगेनीम। ङोंइती ङा खोदेंशो पा मुल रे मेको आन कली सुइम मरिम्शो मपाइनीम, श्येत मगेनीम।
11 आं मुर इस्राएली आन कली निसाफ पाइब योव़शो रे गो इ कली इ जोरी सत्रु नेल्ल रे नाइक्पाइक्नन। मिनु परमप्रभु यावेमी इ कली चच युइ गेब’ दे मतो” देंमाक्त।
दाऊदम आसीक तशो
12 परमप्रभु यावेम दाऊद कली “इ नाक्त नुप्त हना नु इ किकी पिपी नु बाक्थ लचा नोले गो इ खिं ङा मुर आन दाते रे का कली इ पा ङा पिप सेल्नुङ। मिनु मेको आ राज्य बोल्यो सेल्नुङ। १राजा ८:२०
13 मिनु मेकोमी आं नेंमी खिं का सेल्ब। गो मेको आ राज्य गेना हना यो बाक्ब सेल्नुङ। १राजा ५:१९; १राजा ६:१२; भजन संग्रह ८९:४-५; यसैया ९:६
14 गो मेको आ आफ दुम्नुङ। मिनु मेको आं तौ दुम्ब। मेकोम मरिम्शो पाप्तु हना, गो मेको कली मुर खोदेंशो पा कोक्केम तुप्नुङ। भजन संग्रह २:७; भजन संग्रह ८९:२७; लूका १:३२; हिब्रू १:५
15 तन्न गो गेना हना यो आं दाक्तीकेम मप्रोंइनुङ। मेको इ ङोंइती सावल कली प्रोंइशो खोदेंशो पा मेको कली मप्रोंइनुङ। १सामुएल १५:२३-२६
16 इ खिं नु इ राज्य गेना हना यो आं ङोंइती लीब। इ सासन पतीक गेना हना यो लीब” देंमाक्त। भजन संग्रह ७२:-; यसैया ५५:३
17 मिनु नाथानम मेको देंशो लोव़ नु कोंइशो नेल्ल दाऊद कली देंमाक्त।
दाऊदम परमप्रभु कली ठेयब सेल्शो
18 मिनु पिप दाऊद परमप्रभु यावे आ बाक्तीक ओव़शा, मेको कली “परमप्रभु यावे, गो सु नङा? आं खिं ङा मुर सु बाक्नीमी? मिनु गे आं कली एक सम्म चाक्यीनी?
19 आं कली पशो इन ङोंइती आइक्च बाक्ब। गे इन गेय पाइब आ खिं आ पर्बम नोले दुम्ब लोव़ यो पाइतीनी। परमप्रभु यावे, मेको इन मुर आन कली अरेशो लोव़ बाक्ब।
20 परमप्रभु यावे, मुल गो एको क्येङा शुश मार देंने चाप्नुङा ङा? मारदे हना गे इन गेय पाइब कली रिम्शो पा तुइक्नीनी।
21 गे इन थुंम मिम्शा, थोक्शा पशो लोव़ इन गेय पाइब, आं कली तुइक्पाइक्चा कली मोदेंशो ठेयब गेय पाइतीनी।
22 मोपतीके परमप्रभु यावे, परमप्रभु गे ठेयब बाक्नीनी। इन खोदेंशो अरु सुइ मबाक्नीम। अर्को परमप्रभु यो मबाक्नीम।
23 इन मुर खोदेंशो अर्को सु बाक्नीमी? इस्राएली खोदेंशो सु बाक्नीमी? रागी नेल्लेमी परमप्रभुम प्रोंइशो इस्राएली खोदेंशो अर्को जात यो बाक्मा कों? गे इन नें ठेयब सेल्चा कली गे इन मुर आन कली ठेयब नु छक लाक्चा ङा गेय पाइतीनी। गे इन मुर आन ङोंइती रे रागी रागी ङा मुर नु आन देवी देवता आन कली खेरतीनी। ब्यवस्था ४:७
24 गे इन मुर इस्राएली आन कली गेना हना यो इन मुर दुम्पाइक्चा कली बोल्यो सेल्तीनी। मिनु परमप्रभु यावे, गे मेको आन परमप्रभु दुम्तीनी।
25 परमप्रभु यावे, मुल परमप्रभु, इन गेय पाइब नु मेको आ खिं ङा मुर आन पर्बम देंशो गेना हना यो खपीन। इन थोक्शा पशो लोव़ खोदेंशो पा पने।
26 मुर नेल्ल आन परमप्रभु यावे इस्राएली आन परमप्रभु बाक्ब। मिनु इन गेय पाइब दाऊद आ खिं गेना हना यो इन ङोंइती लीब, दे इन नें गेना हना यो ठेयब सेल्नीम।
27 मारदे हना गे, मुर नेल्ल आन परमप्रभु यावे, इस्राएल आ परमप्रभु, इन गेय पाइब कली ‘गो इ खिं सेल्नुङ’ देंतीनी। गो महिंथु, एको लोव़ पाता। यसैया ५०:५
28 परमप्रभु यावे, गे परमप्रभु बाक्नीनी। इन लोव़ थमा बाक्ब। गे इन गेय पाइब कली रिम्शो थोक्शा पशो लोव़ पाइतीनी। १राजा ८:२६
29 मोपतीके मुल इन गेय पाइब आ खिं कली आसीक गेने। मिनु मेको इन ङोंइती गेना हना यो लील। परमप्रभु यावे मेको गे पाइतीनी। मिनु इन आसीकमी इन गेय पाइब आ खिं गेना हना यो आसीक राइब” दे परमप्रभु कली पुना बाक्त।