142
“श्येत जशोनु, वारच पाइय्यीनी”
शेंतीक कुम्सो। पुक्खीम बाक्शा, दाऊद आ सेल्शो कुम्सो। १सामुएल २४:४
1 गो परमप्रभु यावे कली वाइ ब्रेत्नुङ। गो परमप्रभु यावे कली पुंइनुङ।
2 आं लोव़ नेल्ल मेको आ ङोंइती वोइक्नुङ। गो मेको कली आं श्येत नेल्ल देंनुङ।
3 आं थुं लुक्च लत हना, गो मार पचा माल्नुङा, गे मेको तुइक्नीनी। मुरपुकीमी आं गाक्तीक लांमी ब्वारद दाइक्ताक्म।
4 गो आं ग्युरा गे कोव़ता, मिनु आं कली मिम्ब सुइ मबाक्म। आं कली ख्रुइक्तीके तेइ मबाक्ब। सुइमी आं कली वारच मपाइय्यीमी।
5 परमप्रभु यावे गो इन कली ब्रेत्ताक्ङ। गो “गे आं ख्रुइक्तीके बाक्नीनी। ब्रोंइशा बाक्ब आन रागीमी गे आं भाग बाक्नीनी” देंती। भजन संग्रह २७:१३
6 आं पुंइशो लोव़ नेनीन। मारदे हना आ थुं शुश लुक्च लत। आं कली खेदा पाइब रे प्रोंइयीनी। मारदे हना मेकोपुकी आं क्येङा बोल्यो बाक्नीम।
7 आं कली आं चोक्सीतीके रे प्रोंइयीनी। मिनु गो इन कली “गे रिम्शो पाइब बाक्नीनी” देंने चबुल। मिनु आं कली रिम्शो पशो तशा, ठीक पाइबपुकी आं एर ओंथ बाक्शा ग्येरसीनीम।