141
“आं कली कोव़यीनी” दे पुंइशो
दाऊद आ कुम्सो।
1 परमप्रभु यावे, गो इन कली पुंइनुङ। मिनु गे रीब पा जाक्कीन। गो इन कली पुंइशा ब्रेङङानु, आं ब्रेश्शो नेनीन।
2 आं पुंइशो लोव़ इन ङोंइती धूप खोदेंशो दुम्ल। मिनु आं गुइ क्युक्शो नाक्दो ङा चढ़ेशो खोदेंशो दुम्ल। प्रस्थान ३०:७; प्रस्थान २९:३९
3 परमप्रभु यावे, आं शोव़मी खाल पाइब का वोतीन। आं कली मरिम्शो लोव़ पचा मगेयीनी। भजन संग्रह ३९:२; याकूब ३:५-६
4 आं थुं कली मरिम्शो मिम्चा मगेने। मरिम्शो पाइब नु गारशा, इन मदाक्शो गेय पचा मगेने। मिनु गो मेको आन ब्रोव़शो जचा थोव़क जचा मदाक्नुङ।
5 ठीक पाइबमी आं कली तुप्यील। मेको आं शिशी बाक्ब। मेकोमी आं कली हुइक्तील। मेको आं पियाम लुक्शो तेल खोदेंशो दुम्ब। तन्न इन अरेशो मटीब आन तेल आं पियाम मलुम्सेक्ल। मो हना यो गो मेको आन मरिम्शो पशो आ पर्बम पुंइना पुंइन बाक्नुङ। लेवी १९:१७; हितोपदेस २७:५-६
6 मेको आन निसाफ पाइब रोंगु रे तोक्चा पुंइसामानु, मरिम्शो पाइबपुकीमी आं लोव़ “थमा बाक्त” दे रुप्नीम।
7 दोपा फुल्लु प्रोल्शा रू मेर फ्राइनीमी, मोपान मेको आन रुश बेक्शो मुर आन बाक्तीकेमी ब्रशो बाक्नीम।
8 तन्न परमप्रभु यावे, आं परमप्रभु, गो इन गे कोव़नुङ। गो गे नु फाम्सीनुङ। गे आं कली बेक्चा मगेयीनी।
9 गे आं कली मेको आन दाइश्शो ब्वारद रे प्रोंइयीनी। आं कली मरिम्शो पाइब आन दाइश्शो ब्वारद रे प्रोंइयीनी।
10 इन अरेशो मटीब नेल्ले आंम आन दाइश्शो ब्वारदम रेम्मल। गो चहिं मारेइ मदुम्थु लाक्नुङ।