130
शुश श्येत दुम्ची ना पुंइशो
लां ङा कुम्सो।
1 परमप्रभु यावे, गो हिंचा ङा श्येत जङानु, इन कली पुंइनुङ।
2 परमप्रभु यावे, आ लोव़ नेनीन। “शिशी पाइय्यीनी” दे आं पुंइशो लोव़ इन नोफा दाइक्तीन।
3 परमप्रभु यावे, गे आंइ मरिम्शो पशो मिम्ताक्नी हना, इन ङोंइती राप्ने चाप्नीमी ङा?
4 गे माफ गेनीनी। मोपतीके मुर इन कली मान पा हिंचा माल्नीम। यसैया ५५:७; रोमी ६:१-२
5 गो परमप्रभु यावे कली रिम्नुङ। आं थुं नेल्लेमी यो रिम्नुङ। मिनु गो इन लोव़ आस पाइनुङ। यसैया २१:११; लूका १२:३५-३६
6 नाक्दो खाल पाइबमी गेना नां सोव़बा, दे रिम्शो क्येङा यो, गो आं थुं नेल्लेमी परमप्रभु कली शुश रिम्नुङ।
7 इस्राएल, परमप्रभु यावे कली आस पा बाक्को। मारदे हना परमप्रभु यावेमी गेना हना यो दाक्ब। मेको नु मरिम्शो पशो रे प्रोंइतीक शुश बाक्ब।
8 मिनु मेकोमी इस्राएली आन कली आन मरिम्शो पशो नेल्ल रे प्रोंइब। मत्ती १:२१