129
जोरी सत्रु आन पर्बम पुंइशो
लां ङा कुम्सो।
1 इस्राएलमी “मेकोपुकीमी गो ठिटा बाक्ङा रेन आं कली थाम्पा श्येत गेतीमी” देंत।
2 मिनु लेंशा “मेकोपुकीमी गो ठिटा बाक्ङा रेन आं कली थाम्पा श्येत गेतीमी। मो हना यो आं क्येङा ग्राने मचबेम।
3 ब्यफ वाक्बपुकीमी आं चीमी वाक्ताक्म। मिनु आं ची नेल्ल चेत्तेक्म” देंत। यसैया ५१:२३
4 परमप्रभु यावे ठीक पाइब बाक्ब। मेकोमी आ अरेशो मटीब आन डोरी प्रोइश्शा गेप्तु।
5 सियोन कली काइ मदाक्बपुकी मुने दोक्शा, लेश्शा लमल।
6 मेकोपुकी खिं तार वाशो घांस खोदेंशो दुम्मल। मेको बारचा क्येङा ङोंइती सोव़नीम।
7 घांस रिक्बपुकीम मेको मुठी का यो रिक्ने मचाप्नीम। मुठा फ्रेंबपुकीम मेको अङला का यो प्रिंने मचाप्नीम।
8 मिनु मेको रे पा लाइबपुकीमी “गे परमप्रभु यावे आ आसीक रावो। परमप्रभु यावे आ नेंम इ कली आसीक गेनीकी” मदेंनीम। रूथ २:४