119
Iawe God anaanawa
9 O Iawe God, apana sanaa ambi wanwan dodomana os wampi?
E aiaa ruawalepie wanwan dodomana wampi.
10 Ne nuana uduudu mampe rubusadina nolaa dewasapa,
sa baiwa mai enewo anaanaa dabuasape epa.
11 E aiaa ne nuana bedewe teamono winei,
ita dewa kadiwa e manawo mai dewasapa.
12 Ne Iawe God wadaposiedina,
e anaanaa ne waeuwanea.
13 E anaanaa apana wanamoana
ne osowesane mukantene wisiantedina.
14 Ne e anaanaa ruawantedina mampe nuaeuidantedina,
mai maura bedewe nuaeu donsadina rua.
15 Ne e anaanaa wisiantepine ewepinadewantepine,
ita e waeuwa insepina.
16 Ne nuaeuntepina e anaanaa bedewe
e aiaa ne mai nuana awawalepi.