110
Iawe God ita me warerewa sonabala
Dawid sasawa
Peroweta gagaloleide apana mampo
1 Iawe God ne debamana dieene wanase,
Iawe God gagaloleide warere mampe
“Witana on deneuwe aisite wana
ne ideita e emalawoa nanausimope
e waa atowe teamopatuapi.”
Peroweta gagaloleide warere mampe
2 E Ierusalemwae noe aitono Iawe God dewaepio mukaa debamalepi,
ita e emalawoa apanawa onapoite oniamoa.
3 E emalawoa apanawa onau enaa walamawe,
e apanaaida mo muba nuau wadapuaubepue nomopue bautantopu.
E gara kakaiwa mampe benaitaa
ita me walama ruawalempe mukaa sanaasampa,
kipora esapa sala butasadio tadinaida
nitu uduudu sanaantoia rua.
Peroweta gagaloleide warere mampe
4 Iawe God e sauaene wanase,
“E ipa pirisi wanwankasalala
pirisi Melikisedek rua.”
Me saua sa wana mai insaisawa leusapi.
Peroweta gagaloleide Iawe God mampe
5 O Iawe God, e witaa on deneuwe
warere wandia nuawa kadilepio warere uara bomopi.
6 Me uwa daitada apanawa matangelamopi ita mo bontoia etepu mo bolau nopesapi.
Mo uwau nepa epatuiamopi, tawo uduudu osowe.
7 Warere ando into esa alala nampe alempa
ita muka wadompa,
do me ipa mukawaida segalepi.