97
1 Mukama yooyo alema, leka nsi gisemererwe,
bi̱zi̱nga byensei̱ byegonze.
2 Bikaka na nti̱ti̱ bi̱mwelogoleerye,
mananu na b̯winganiza byobyo mu̱si̱nge gwa kitebe kya b̯ukama b̯wamwe.
3 Mworo gugyenda mu mei̱so gaamwe,
ni̱gwokya banyanzigwa baamwe bensei̱.
4 Kyererezi̱ kyamwe kyakira nsi gyensei̱,
nsi giwona nigikankana.
5 Nsahu zaaga nka masaju mu mei̱so ga Mukama,
mu mei̱so ga Mukama wa mu nsi gyensei̱.
6 Iguru lirangiira mananu gaamwe,
kandi mahanga gensei̱ gawona ki̱ti̱i̱ni̱sa kyamwe.
7 Bantu baramya bi̱si̱sani̱ bensei̱ baswarambe,
beehaari̱i̱zi̱sya bi̱si̱sani̱ bi̱tagira mugasu,
nywe baruhanga, mu̱ramyenge MUKAMA.
8 Sayu̱u̱ni̱ gyegwa kandi nigisemererwa,
na bahara ba Yu̱da nibeegonza,
ai̱ Mukama hab̯wa mu̱li̱ngo gwocweramwo misangu myamu.
9 Ai̱ Mukama, Waahakyendi̱ Hoi̱, olema nsi gyensei̱,
oli wa ki̱ti̱i̱ni̱sa kukiraho baruhanga bandi bensei̱.
10 Nywe nywensei̱ bendya Mukama, mu̱nobe bibii.
Alinda b̯womi b̯wa barungi baamwe,
naabajuna kuruga mu mikono bya babiibi.
11 Kyererezi̱ kyakira bamananu,
na kusemererwa ni̱kwi̱zi̱ra ba mitima mi̱terekereru̱.
12 Nywe bamananu mu̱semereerwe mu Mukama
kandi muhaariize ibara lyamwe li̱syanu̱.