26
Zabbu̱li̱ gya Dau̱di̱.
1 Ai̱ Mukama, ntonganiira,
hab̯wakubba nkora bi̱doori̱,
nnyeesiga Mukama, ntali na bicwocwo.
2 Ai̱ Mukama, mbona, ondenge,
ogezesye mutima na biteekerezu byange.
3 Hab̯wakubba ngonzi zaamu zinene ziicala na gya,
kandi ndibatira mu b̯wesigwa b̯wamu.
4 Ncaara kwahi na bantu ba nkwe,
rundi kukoragana na ngobya.
5 Nnoba byecooka bya nkori̱ za bibii,
kandi tindicaara na babiibi.
6 Ai̱ Mukama, nnaaba ngalu zange kwolokya kuntali na musangu,
kandi ndami̱i̱rya heihongo lyamu,
7 mpi̱i̱ma na maani kyembu kyaku̱ku̱si̱i̱ma,
ninyaatula byamahanu byokoori̱.
8 Ai̱ Mukama, nyeegomba nnyu̱mba gyoicalamu,
cali ki̱ti̱i̱ni̱sa kyamu kiicalira.
9 Otampwerekereerya na babiibi,
b̯womi b̯wange okab̯utwalirana na badulu bali na nnyoota gyeibbanga,
10 bantu beicala nibakora bibii
kandi bakwata bya ngu̱zi̱.
11 Bei̱tu̱ gya, nnkora bi̱nyeegi̱ri̱ kubba birungi,
oncungure kandi onkwatirwa kisa.
12 Magulu gange gemereeri̱ heetendeku̱,
mu kitebe kya bantu baamu nyaahaariizanga Mukama.