136
1 Mu̱si̱i̱me Mukama, kubba murungi,
kubba ngonzi zaamwe zinene za biro na biro.
2 Mu̱si̱i̱me Ruhanga wa baruhanga,
kubba ngonzi zaamwe zinene za biro na biro.
3 Mu̱si̱i̱me Mukama wa bakama,
kubba ngonzi zaamwe zinene za biro na biro.
4 Yooyo yankei akora byamaani, bikuhuniriza,
kubba ngonzi zaamwe zinene za biro na biro,
5 hab̯wa magezi̱ gaamwe yaakoori̱ iguru,
kubba ngonzi zaamwe zinene za biro na biro,
6 munyakutandaaza nsi ku meezi̱,
kubba ngonzi zaamwe zinene za biro na biro,
7 yooyo yaakoori̱ bimuluka bya mwiguru byamaani,
kubba ngonzi zaamwe zinene za biro na biro,
8 lyoba lilemenge mwinsi,
kubba ngonzi zaamwe zinene za biro na biro,
9 mweri̱ na nzota bilemenge b̯wi̱re b̯wei̱jolo,
kubba ngonzi zaamwe zinene za biro na biro.
10 Ruhanga yogwo mu̱nyakwi̱ta mi̱zegei̱zo mya Mi̱si̱ri̱,
kubba ngonzi zaamwe zinene za biro na biro,
11 yaatoori̱ Bei̱saleeri̱ hakati̱ gya Mi̱si̱ri̱,
kubba ngonzi zaamwe zinene za biro na biro,
12 na ngalu gya maani na mukono gwa b̯u̱sobozi̱,
kubba ngonzi zaamwe zinene za biro na biro,
13 yooyo mu̱nyaku̱bagani̱amwo habiri Itaka Lyengu̱,
kubba ngonzi zaamwe zinene za biro na biro,
14 yaarabi̱i̱rye Bei̱saleeri̱ hakati̱ weitaka,
kubba ngonzi zaamwe zinene za biro na biro,
15 bei̱tu̱ yaazi̱ki̱i̱rye Faraaho na mahe gaamwe mwʼItaka Lyengu̱,
kubba ngonzi zaamwe zinene za biro na biro,
16 yooyo munyakwebembera bantu baamwe yaabarabya mwirungu,
kubba ngonzi zaamwe zinene za biro na biro.
17 Yaatematemi̱ri̱ bakama ba b̯u̱sobozi̱,
kubba ngonzi zaamwe zinene za biro na biro,
18 yei̱ta bakama ba maani hoi̱,
kubba ngonzi zaamwe zinene za biro na biro,
19 Si̱honi̱, mukama wa Bamooli̱,
kubba ngonzi zaamwe zinene za biro na biro,
20 na Ogi̱, mukama wa Bbasaani̱,
kubba ngonzi zaamwe zinene za biro na biro,
21 nsi gyab̯u yaagi̱gabi̱ri̱ nka mugab̯u,
kubba ngonzi zaamwe zinene za biro na biro,
22 mugab̯u hali muheereza waamwe, I̱saleeri̱,
kubba ngonzi zaamwe zinene za biro na biro.
23 Yooyo mu̱nyaku̱twi̱zu̱ka mu b̯uceke b̯wetu̱,
kubba ngonzi zaamwe zinene za biro na biro,
24 yaatujuna hali banyanzigwa beetu̱,
kubba ngonzi zaamwe zinene za biro na biro,
25 yooyo aha bi̱hangi̱rwe byensei̱ bili na b̯womi bidyo,
kubba ngonzi zaamwe zinene za biro na biro.
26 Mu̱si̱i̱me Ruhanga wa mwiguru,
kubba ngonzi zaamwe zinene za biro na biro!