4
ⵓⵇⴰⵔⵔⵉ ⵏ ⵛⵛⴰⵢⴰⵟⵉⵏ ⴷ ⵜⵀⵓⵊⴰ ⵜⵉⴱⵓⵀⴰⵍⵉⵢⵢⴻⵏ
1 ⵎⴰⵛⴰ ⴰⵔⵔⵓⵃ ⵉⵇⵇⴰⵔ ⵏⵉⵛⴰⵏ ⴱⴻⵍⵍⵉ ⴷⵉ ⵣⵣⵎⴰⵏⴰⵜ ⵜⵉⵏⴻⴳⴳⵓⵔⴰ ⵛⴰ ⴰⴷ ⵃⴻⵢⵢⴷⴻⵏ ⵅ ⵍ’ⵉⵎⴰⵏ ⵓⵎⵉ ⵖⴰ ⴹⴼⴰⵔⴻⵏ ⵍⴰⵔⵢⴰⵃ ⵉⵙⵙⵖⴻⴽⴽⵡⴰⵏ ⴷ ⵜⵖⵓⵔⵉ ⵏ ⵛⵛⵡⴰⵟⴻⵏ.
2 ⵏⵉⵜⵏⵉ ⵙⵖⴻⴽⴽⵡⴰⵏ ⴰⵎ ⵙⵙⵏⵉⵄⵎⵉⵍⴻⵏ ⵉⵅⴻⴼ ⵏⵙⴻⵏ, ⵙⵙⵅⴰⵔⵔⵉⵇⴻⵏ ⵓ ⵜⵜⴻⵇⵇⴷⴻⵏ ⵜⴰⵏⴻⴼⵙⴻⵛⵜ ⵏⵙⴻⵏ.
3 ⵏⵉⵜⵏⵉ ⵜⵜᵉⵟⵟⴼⴻⵏ ⵍⴻⵎⵍⴰⵛ ⵓⵛⴰ ⵜⵜⴰⵎⴰⵔⴻⵏ ⴰⵙⴱⴻⵄⵄⴻⴷ ⵅ ⵎⴰⵛⵛⴰ ⵏⵏⵉ ⴷⴷ-ⵉⵜⵜⵡⴰⵅⴻⵍⵇⴻⵏ ⵣⵉ ⴰⵔⴻⴱⴱⵉ ⵎⴰⵃⴻⵏⴷ ⴰⴷ ⵜⵉⵍⵉ ⵉ ⵏⵏⴼⴻⵄ ⴷ ⵓⵇⴰⴷⵉ ⵉ ⵢⵉⵏⵏⵉ ⵢⵓⵎⵏⴻⵏ ⵓ ⵙⵙⵏⴻⵏ ⵜⵉⴷⴻⵜⵜ.
4 ⵎⵉⵏⵣⵉ ⵎⴰⵔⵔⴰ ⵎⵉⵏ ⴷⴷ-ⵉⵜⵜⵡⴰⵅⴻⵍⵇⴻⵏ ⵣⵉ ⴰⵔⴻⴱⴱⵉ ⵉⵚⴱⴻⵃ ⵓⵛⴰ ⵡⴰⵔ ⴷⴰⵢⴻⵙ ⵎⵉⵏ ⵖⴰ ⵏⴰⴳⵉ ⵎⴰⵍⴰ ⵏⴻⵇⴱⴻⵍ ⵣⵣⴰⵢⴻⵙ ⵙ ⵓⵇⴰⴷⵉ,
5 ⵎⵉⵏⵣⵉ ⴰⴷ ⵉⵜⵜⵡⴰⵇⴻⴷⴷⴻⵙ ⵙ ⵡⴰⵡⴰⵍ ⵏ ⴰⵔⴻⴱⴱⵉ ⴷ ⵜⵥⴰⴵⵉⵜ.
6 ⵎⴰⵍⴰ ⵜⴻⵙⵙⵍⴻⵎⴷⴻⴷ ⵎⴰⵏ ⴰⵢⴰ ⵉ ⵡⴰⵡⵎⴰⵜⴻⵏ ⵏⵏⴻⵛ, ⴰⴷ ⵜⵉⵍⵉⴷ ⴷ ⴰⵎⵙⴻⵅⵅⴰⵔ ⵏ ⵢⴰⵙⵓⵄ ⵍⵎⴰⵙⵉⵃ, ⴰⵇⴰ ⵜᵉⵜⵜⵡⴰⵔⴻⴱⴱⵉⴷ ⴷⴻⴳ ⵡⴰⵡⴰⵍⴻⵏ ⵏ ⵍ’ⵉⵎⴰⵏ ⵓ ⵜᵉⵜⵜⵡⴰⵙⵙⵍⴻⵎⴷⴻⴷ ⴷⵉ ⵜⵖⵓⵔⵉ ⵏ ⵚⵚⴰⵃ.
7 ⵎⴰⵛⴰ ⴰⴳⴳⵯⴻⵊ ⵅ ⵜⵃⵓⵊⴰ ⵉⵅⵡⴰⵏ ⵏ ⵜⵡⴻⵙⵙⵓⵔⴰ ⵓ ⵎⴰⵔⵔⴻⵙ ⵉⵅⴻⴼ ⵏⵏⴻⵛ ⴷⵉ ⵜⵙⴻⴳⴷⴰ.
8 ⵎⵉⵏⵣⵉ ⴰⵔⵔⵉⵢⴰⴹⴰ ⵏ ⴰⵔⵔⵉⵎⴻⵜ ⵜᵉⵜⵜⴰⵡⵉ ⵖⴰⵔ ⵏⵏⴼⴰⵄ ⵉ ⴷⵔⵓⵙ ⵏ ⵍⵡⴻⵇⵜ ⵡⴰⵀⴰ, ⵎⴰⵛⴰ ⵜⴰⵙⴻⴳⴷⴰ ⵜⵏⴻⴼⴼⴻⵄ ⵍⴻⴱⴷⴰ, ⵓⵛⴰ ⴰⵇⴰ ⵖⴰⵔⴻⵙ ⵍⵡⴰⵄⴷ ⵏ ⵜⵓⴷⴰⵔⵜ ⵉ ⵢⵉⴹⴰ ⵓ ⵉ ⵍⵡⴻⵇⵜ ⵉ ⴷⴷ ⵖⴰ ⵢⴰⵙⴻⵏ.
9 ⵡⴰ ⴷ ⴰⵡⴰⵍ ⴷⴰⵢⴻⵙ ⵍⴰⵎⴰⵏ, ⵉⵙⴷⴰⵀⴻⴵ ⴰⴷ ⵉⵜⵜⵡⴰⵇⴱⴻⵍ.
10 ⵎⵉⵏⵣⵉ ⵉ ⵎⴰⵏ ⴰⵢⴰ ⵓⵎⵉ ⵏⵅⴻⴷⴷⴻⵎ ⵓ ⵏⴻⵜⵜⵡⴰⵙⵙⴻⵃⵇⴰⵔⴰ ⵄⴰⵡⴻⴷ, ⵎⵉⵏⵣⵉ ⴰⵙⵉⵜⴻⵎ ⵏⵏⴻⵖ ⴰⵇⴰ-ⵜ ⴷⵉ ⴰⵔⴻⴱⴱⵉ ⵉⴷⴷⴰⵔⴻⵏ, ⵡⴻⵏⵏⵉ ⵉⵜⵜⵉⵛⴻⵏ ⵜⵓⴷⴰⵔⵜ ⵉ ⵎⴰⵔⵔⴰ ⵉⵡⴷⴰⵏ, ⴰⵎⴻⵣⵡⴰⵔⵓ ⵉ ⵢⵉⵏⵏⵉ ⵢⵓⵎⵏⴻⵏ.
11 ⵙⴻⵍⵎⴻⴷ, ⵜⵓⵎⵓⵔⴻⴷ ⵙ ⵎⴰⵏ ⴰⵢⴰ.
12 ⴻⵊⵊ ⵓⵍⴰ ⴷ ⵉⵊⵊ ⵡⴰⵔ ⵛⴻⴽ ⵉⵙⵙⴻⵃⵇⵉⵔⵉ ⵛⴰ ⵅ ⵜⴻⵎⵥⵉ ⵏⵏⴻⵛ, ⵎⴰⵛⴰ ⵉⵍⵉ ⴷ ⵍⵎⵉⵜⴰⵍ ⵉ ⵢⵉⵏⵏⵉ ⵢⵓⵎⵏⴻⵏ, ⵙ ⵡⴰⵡⴰⵍ, ⵙ ⵡⴻⵏⴷⴰⵀ, ⵙ ⵜⴰⵢⵔⵉ, ⵙ ⵍ’ⵉⵎⴰⵏ ⵓ ⵙ ⵜⴰⵣⴷⵓⴳⵉ.
13 ⵉⵍⵉ ⵜⴻⵛⴹⴰⵔⴻⴷ ⴷⵉ ⵜⵖⵓⵔⵉ ⵉ ⵜⵎⴻⵙⵎⵓⵏⵜ, ⴷⵉ ⵟⵥⴰⴵⵉⵜ ⵓ ⴷⴻⴳ ⵓⵙⴻⵍⵎⴻⴷ ⴰⵍ ⴷⴷ ⵖⴰ ⵢⴰⵙⴻⵖ.
14 ⵡⴰⵔ ⵙⵃⴻⵇⵇⴰⵔⴰ ⵛⴰ ⵜⴰⵡⵀⵉⴱⵜ ⵉ ⴷⴰⵢⴻⴽ, ⵜⴻⵏⵏⵉ ⵉ ⴷ ⴰⵛ ⵉⵎⵎⴻⵡⵛⴻⵏ ⵓⵎⵉ ⵜⵓⵖⴰ ⵜⵜⵏⴰⴱⴱⴻⵏ ⵓ ⵙⵙⴰⵔⵙⴻⵏ ⵉⵎⵖⴰⵔⴻⵏ ⵅⴰⴽ ⵉⴼⴰⵙⵙⴻⵏ.
15 ⵄⵇⴻⵍ ⵅ ⵜⵎⴻⵙⵍⴰⵢⵉⵏ-ⴰ, ⵛⴻⴱⴱⴰⵔ ⴷⴰⵢⵙⴻⵏⵜ, ⵃⵉⵎⴰ ⵜⵉⵛⵍⵉ ⵏⵏⴻⵛ ⵖⴰⵔ ⵣⵣⴰⵜ ⴰⴷ ⵜⴱⴰⵏ ⵉ ⵎⴰⵔⵔⴰ.
16 ⵃⴹⴰ ⵉⵅⴻⴼ ⵏⵏⴻⵛ ⵓ ⵃⴹⴰ ⵅ ⵓⵙⴻⵍⵎⴻⴷ, ⵚⴱⴰⵔ ⴷⵉ ⵎⴰⵏ ⴰⵢⴰ, ⵎⵉⵏⵣⵉ ⵎⴰⵍⴰ ⵜⴻⴳⴳⵉⴷ ⴷⴷⴻⴳⴳⴰ, ⴰⴷ ⵜⴻⵃⴹⵉⴷ ⵉⵅⴻⴼ ⵏⵏⴻⵛ ⴷⵉ ⵜⵓⴷⴰⵔⵜ ⵓⵍⴰ ⴷ ⵉⵏⵏⵉ ⴷ ⴰⵛ ⵉⵜⵜⴻⵙⵍⴰⵏ.