4
1 Arrawen n Yahuda tuɣa aten d Fariṣ, Ḥaṣrun d Karmi d Ḥur d Cubal.
2 Ra’aya, mmis n Cubal, ijja-dd Yaḥat u Yaḥat ijja-dd Axumay d Lahad. Tina tuɣa atent d řaǧat n Iṣarɛiyyen.
3 Ina tuɣa aten d arrawen n Abi-Ɛiṭam: Yazraɛil, Yacma d Yadbac. Isem n učmatsen tuɣa-t d Haṣṣalalfuni.
4 Fanuwil tuɣa-t d babas n Jadur, u Ɛazar tuɣa-t d babas n Ḥuca. Ina tuɣa aten d arrawen n Ḥur, amenzu n Ifrata, babas n Bayt-Laḥm.
5 Acḥur, babas n Taquɛa, tuɣa ɣares tnayen n temɣarin, Ḥala d Naɛara.
6 Naɛara turuw as-dd Axuzzam, Ḥafar, Taymani d Ixactariyyen. Ina tuɣa aten d arrawen n Naɛara.
7 Arrawen n Ḥala tuɣa aten d Ṣarat, Ṣuḥar d Itnan.
8 Quṣ ijja-dd Ɛanub d Haṣubiba, d řaǧat n Axarḥil, mmis n Harum.
9 Yaɛbiṣ tuɣa ɣares ccan x yaytmas. Yemmas tuɣa tegga as Yaɛbiṣ, maɣar nettat tenna: “Necc urweɣ t-i-dd s řeḥriq.”
10 Iřaɣa Yaɛbiṣ x AREBBI n Israil, inna: “Mařa Cek tbarked ayi u ad twessɛed aymir n temmurt inu uca ad kidi yiři ufus nnec, ad xafi tessiggʷejed řɣar ḥima war d ayi třeqqef tamara ...!” Uca AREBBI issiweḍ as min ittar.
11 Kalub, umas n Cuḥa, ijja-dd Maḥir. Wanita d babas n Ictun.
12 Ictun ijja-dd Bayt-Rafa d Fasiḥ d Taḥinna, babas n tendint n Ɛir-Naḥac. Ina d iryazen n Rayka.
13 Arrawen n Qanaz tuɣa aten d Ɛutniyil d Saraya. Arrawen n Ɛutniyil, mɣir Ḥatat.
14 Maɛunatay ijja-dd Ɛafra, u Saraya ijja-dd Yuwab, babas n Teɣzurt n Iḥrayfiyyen, maɣar nitni d iḥrayfiyyen, ayt n bu-ṣṣenɛet.
15 Arrawen n Kalib, mmis n Yafunni, tuɣa aten d Ɛiru, Iyla d Naɛam. Arrawen n Ila, mɣir Qinaz.
16 Arrawen n Yahlaliyil tuɣa aten d Zif d Zifa d Tiriya d Asarayil.
17 Arrawen n Ɛizra tuɣa aten d Yatar d Marad d Ɛifar d Yalun. Nettat, Bitya, turuw-dd Maryam d Cammay d Yicbaḥ, babas n Ictamuɛ,
18 u tamɣart nnes Tayahudect turuw-dd Yarad, babas n Jadur, d Ḥabir, babas n Suku, d Yaqutiyil, babas n Zanuḥ, maca inneɣni nitni tuɣa aten d arrawen n Bitya, yeǧis n firɛun, tenni yiwi Marad d tamɣart.
19 Arrawen n temɣart n Hudiya, učmas n Naḥam, tuɣa aten d babas n tendint n Qaɛila, Ajarmi, d Ictamuɛa, Amaɛki.
20 Arrawen n Cimun tuɣa aten d Amnun d Rinna, Bin-Ḥanan d Tilun. Arrawen n Yiɛci tuɣa aten d Zuḥayt d Ban-Zuḥayt.
21 Arrawen n Cayla, mmis n Yahuda, tuɣa aten d Ɛir, babas n Lika, Laɛda, babas n Marica, d řaǧat n taddart n yinni ixeddmen s tiffest n taddart n Acbiɛa.
22 U xenni Yuqim d yeryazen n Kuziba, d Yuwac d Saraf, inni iṣeǧḍen x Mu’ab, d Yacubi-Laḥm. D man aya d řexbarat tiqdimin.
23 Nitni tuɣa aten d ayt n bu-třaxt u zeddɣen di Nataɛim d Jadira. Nitni qqimen zeddɣen din ḥima ad sexxaren i ujeǧid.
24 Arrawen n Cimɛun tuɣa aten d Namuyil d Yamin, Yarib, Zaraḥ, Cawul.
25 Callum d mmis, mmis Mibsam, mmis Micmaɛ.
26 Arrawen n Micmaɛ: mmis Ḥammuyil, mmis Zakkur d mmis Cimɛi.
27 Cimɛi tuɣa ɣares seṭṭac n warrawen d setta n tḥenjirin. Maca aytmas war ɣarsen tuɣi bu warrawen aṭṭas u marra řaǧat nsen war mmarnint ca am tinni n warrawen n Yahuda.
28 Nitni tuɣa zeddɣen di Bi’r-Sebɛa, di Mulada, di Ḥaṣar-Cuɛal,
29 di Bilha di Ɛaṣim, di Tulad,
30 di Bituwil, di Ḥurma, di Ṣiqlaɣ,
31 di Bayt-Markabut, di Ḥaṣar-Susim, di Bayt-Biri u di Caɛarayim. Ař idweř Dawud d ajeǧid tuɣa ina d tineddam nsen,
32 d dcurat nsen: Ɛiṭam, Ɛayn, Rimmun, Tukan d Ɛacan, xemsa n tneddam
33 ak-d marra dcurat i d asent-i-dd innḍen i tneddam-a, ař Baɛl. Tina d jjwayeh mani zedɣen u nitni ḥḍan s yixef nsen lista n jjadira.
34 Macubab d Yamlik d Yuca, mmis n Amaṣya,
35 d Yuwil d Yahu, mmis n Yuciba, mmis n Saraya, mmis n Ɛasiyil,
36 d Ilyuɛinay d Yaɛquba d Yacuḥaya d Ɛasaya d Ɛadiyil d Yasimiyil d Banaya
37 d Ziza, mmis n Cifɛi, mmis n Allun, mmis n Yadaya, mmis n Cimri, mmis n Camɛiya.
38 Ina, inni i da ittwařaɣan s yisem nsen, tuɣa aten d řḥukkam di řaǧat nsen, uca tudrin n ibabaten nsen tuɣa mmarnint aṭṭas.
39 Nitni uyuren, kkin x uɣezdis n řɣarb n Jadur ař ccarq n teɣzurt, ḥima ad ufin mani ɣa hedden wuǧi nsen.
40 Nitni ufin din ddmani n tarewsa ccuren mliḥ, cnan. Tuɣa tammurt tewseɛ ɣar marra iɣezdisen, tarsa u dayes řhudnet, maɣar inni n Ḥam tuɣa zeddɣen din zic.
41 Ina, inni ittwazemmemen s ismawen nsen, usin-dd deg wussan n ujeǧid Ḥizqiya, ajeǧid n Yahuda, u nitni hedmen iqiḍan nsen, uřa d Imaɛuniyyen inni din ufin, teḥḥan ten ař ass-a. Nitni ggin ad zedɣen deg wemcan nsen, maɣar tuɣa dinni tammurt n tarewsa i wuǧi nsen.
42 Zeg ina, zeg warrawen n Cimɛun, ffɣen ɛawed xemsa mya n yeryazen ɣar idurar n Saɛir. Falaṭya d Naɛriya d Rafaya d Ɛuzziyil, arrawen n Yicɛi, bedden ɣar uzeǧif nsen.
43 Nitni nɣin min iqqimen n ayt n Ɛamaliq inni dd innejmen u nitni zeddɣen dinni ař ass-a.