7
Tiwhibin n izeǧifen n ayt n Israil
1 Imsar deg wass min di ikemmeř Musa asbeddi n Tzeddiɣt, idhen u issqeddes i-tt ak-d řeqcuɛ nnes uřa d marra aɛalṭar ak-d řeqcuɛ nnes. Aqa idhen i-ten uca issqeddes i-ten.
2 Xenni qarrben-dd řḥukkam n Israil, izeǧifen n tudrin n řejdud nsen. Nitni d řḥukkam n tqebbař, nitni tuɣa x yinni ittwaḥesben.
3 Nitni iwyen-dd tawhibt nsen zzat i wudem n SIDI: setta n ikarruten ak-d tseqqift d tenɛac n ifunasen, aqa d ijj n ukarru i tnayen n řḥukkam d ijj n ufunas i kuř ijj n řḥakem uca iwyen ten zzat i wudem n Tzeddiɣt.
4 Issiweř SIDI ak-d Musa, inna:
5 “Ksi aya zzaysen, ḥima ad iřin i řxedmet n tsexxart n Uqiḍun n Umsagar. Ittxeṣṣa ad ten tewced i Ilawiyyen, i kuř aryaz am mammec dd-ittas ak-d tsexxart nnes.”
6 Uca Musa iṭṭef ikarruten d ifunasen uca iwca i-ten i Ilawiyyen.
7 Tnayen n ikarruten d arebɛa n ifunasen i iwca i ayt n Jarcun, am mammec dd-ittas ak-d tsexxart nsen,
8 u i ayt n Marari iwca asen arebɛa n ikarruten d tmenya n ifunasen, am mammec dd-ittas ak-d tsexxart nsen sadu ufus n Itamar, mmis n ukehhan Harun.
9 I ayt n Qahat war d asen iwci walu, minzi tuɣa xasen tasexxart n Zzawect Iqeddsen, nitni arbun Zzawect x tɣarwaḍ nsen.
10 Xenni qarrben-dd řḥukkam ak-d tewhibt i udeccen n uɛalṭar deg wass min di ittwadhen uɛalṭar. Iwyen řḥukkam tiwhibin nsen zzat i wudem n uɛalṭar.
11 Inna SIDI i Musa: “Ijj n řḥakem deg ijj n wass, xenni ɛawed ijj n řḥakem deg wass awarni as, ammu i ɣa qeddmen nitni tiwhibin nsen i udeccen n uɛalṭar.”
12 Deg wass amezwaru iqeddem Naḥcun, mmis n Ɛamminadab, zi teqbič n Yahuda, tawhibt nnes.
13 Tuɣa-tt tawhibt nnes: ijjen ṭṭebṣi n nnuqart n mya u-třatin ciqlu n ddqeř, d icten ṭṭawya i urucci n nnuqart n sebɛin ciqlu, ɛlaḥsab ciqlu n Zzawect Iqeddsen. Tuɣa-ten s tnayen ccuren s waren azdad ixeǧḍen s zzect am tewhibt n řɣiǧet.
14 Xenni ict n tɣenjact n wureɣ n ɛecra ciqlu teccur s řebxur,
15 ijj n ufunas - ameẓyan n tfunast - ijj n icarri, ijj n izmar n ijj n useggʷas am tɣarṣt n wecmaḍ,
16 ijj n umyan zeg iɣayḍen i tɣarṣt n ddenb
17 u i tɣarṣt n řehna: tnayen n ifunasen d xemsa n icarriyyen d xemsa n iɣayḍen d xemsa n izmaren n ijj n useggʷas. Aqa ta d tawhibt n Naḥcun, mmis n Ɛamminadab.
18 Deg wass wiss tnayen iqeddem Natanayil, mmis n Ṣuɣar, wenni d řḥakem n Issakar, tawhibt nnes.
19 Tuɣa-tt tawhibt nnes: ijjen ṭṭebṣi n nnuqart n mya u-třatin ciqlu n ddqeř, d icten ṭṭawya i urucci n nnuqart n sebɛin ciqlu, ɛlaḥsab ciqlu n Zzawect Iqeddsen. Tuɣa-ten s tnayen ccuren s waren azdad ixeǧḍen s zzect am tewhibt n řɣiǧet.
20 Xenni ict n tɣenjact n wureɣ n ɛecra ciqlu teccur s řebxur,
21 ijj n ufunas - ameẓyan n tfunast - ijj n icarri d ijj n izmar n ijj n useggʷas am tɣarṣt n wecmaḍ,
22 ijj n umyan zeg iɣayḍen i tɣarṣt n ddenb
23 u i tɣarṣt n řehna: tnayen n ifunasen, xemsa n icarriyyen, xemsa n iɣayḍen d xemsa n izmaren n ijj n useggʷas. Aqa ta d tawhibt n Natanayil, mmis n Ṣuɣar.
24 Deg wass wiss třata iqeddem řḥakem n ayt n Zabulun, Iliyab, mmis n Ḥilun, tawhibt nnes.
25 Tuɣa-tt tawhibt nnes: ijjen ṭṭebṣi n nnuqart n mya u-třatin ciqlu n ddqeř, d icten ṭṭawya i urucci n nnuqart n sebɛin ciqlu, ɛlaḥsab ciqlu n Zzawect Iqeddsen. Tuɣa-ten s tnayen ccuren s waren azdad ixeǧḍen s zzect am tewhibt n řɣiǧet.
26 Xenni ict n tɣenjact n wureɣ n ɛecra ciqlu teccur s řebxur,
27 ijj n ufunas - ameẓyan n tfunast - ijj n icarri d ijj n izmar n ijj n useggʷas am tɣarṣt n wecmaḍ,
28 ijj n umyan zeg iɣayḍen i tɣarṣt n ddenb
29 u i tɣarṣt n řehna: tnayen n ifunasen, xemsa n icarriyyen, xemsa n iɣayḍen d xemsa n izmaren n ijj n useggʷas. Aqa ta d tawhibt n Iliyab, mmis n Ḥilun.
30 Deg wass wiss arebɛa iqeddem řḥakem n ayt n Rubin, Aliṣur, mmis n Cadayyur, tawhibt nnes.
31 Tuɣa-tt tawhibt nnes: ijjen ṭṭebṣi n nnuqart n mya u-třatin ciqlu n ddqeř, d icten ṭṭawya i urucci n nnuqart n sebɛin ciqlu, ɛlaḥsab ciqlu n Zzawect Iqeddsen. Tuɣa-ten s tnayen ccuren s waren azdad ixeǧḍen s zzect am tewhibt n řɣiǧet.
32 Xenni ict n tɣenjact n wureɣ n ɛecra ciqlu teccur s řebxur,
33 ijj n ufunas - ameẓyan n tfunast - ijj n icarri d ijj n izmar n ijj n useggʷas am tɣarṣt n wecmaḍ,
34 ijj n umyan zeg iɣayḍen i tɣarṣt n ddenb
35 u i tɣarṣt n řehna: tnayen n ifunasen, xemsa n icarriyyen, xemsa n iɣayḍen d xemsa n izmaren n ijj n useggʷas. Aqa ta d tawhibt n Aliṣur, mmis n Cadayyur.
36 Deg wass wiss xemsa iqeddem řḥakem n ayt n Cimɛun, Calumiyil, mmis n Ṣuricadday, tawhibt nnes.
37 Tuɣa-tt tawhibt nnes: ijjen ṭṭebṣi n nnuqart n mya u-třatin ciqlu n ddqeř, d icten ṭṭawya i urucci n nnuqart n sebɛin ciqlu, ɛlaḥsab ciqlu n Zzawect Iqeddsen. Tuɣa-ten s tnayen ccuren s waren azdad ixeǧḍen s zzect am tewhibt n řɣiǧet.
38 Xenni ict n tɣenjact n wureɣ n ɛecra ciqlu teccur s řebxur,
39 ijj n ufunas - ameẓyan n tfunast - ijj n icarri d ijj n izmar n ijj n useggʷas am tɣarṣt n wecmaḍ,
40 ijj n umyan zeg iɣayḍen i tɣarṣt n ddenb
41 u i tɣarṣt n řehna: tnayen n ifunasen, xemsa n icarriyyen, xemsa n iɣayḍen d xemsa n izmaren n ijj n useggʷas. Aqa ta d tawhibt n Calumiyil, mmis n Ṣuricadday.
42 Deg wass wiss setta iqeddem řḥakem n ayt n Jad, Aliyasaf, mmis n Daɛuyil, tawhibt nnes.
43 Tuɣa-tt tawhibt nnes: ijjen ṭṭebṣi n nnuqart n mya u-třatin ciqlu n ddqeř, d icten ṭṭawya i urucci n nnuqart n sebɛin ciqlu, ɛlaḥsab ciqlu n Zzawect Iqeddsen. Tuɣa-ten s tnayen ccuren s waren azdad ixeǧḍen s zzect am tewhibt n řɣiǧet.
44 Xenni ict n tɣenjact n wureɣ n ɛecra ciqlu teccur s řebxur,
45 ijj n ufunas - ameẓyan n tfunast - ijj n icarri d ijj n izmar n ijj n useggʷas am tɣarṣt n wecmaḍ,
46 ijj n umyan zeg iɣayḍen i tɣarṣt n ddenb
47 u i tɣarṣt n řehna: tnayen n ifunasen, xemsa n icarriyyen, xemsa n iɣayḍen d xemsa n izmaren n ijj n useggʷas. Aqa ta d tawhibt n Aliyasaf, mmis n Daɛuyil.
48 Deg wass wiss sebɛa iqeddem řḥakem n ayt n Ifrayim, Ilicamaɛ, mmis n Ɛammihud, tawhibt nnes.
49 Tuɣa-tt tawhibt nnes: ijjen ṭṭebṣi n nnuqart n mya u-třatin ciqlu n ddqeř, d icten ṭṭawya i urucci n nnuqart n sebɛin ciqlu, ɛlaḥsab ciqlu n Zzawect Iqeddsen. Tuɣa-ten s tnayen ccuren s waren azdad ixeǧḍen s zzect am tewhibt n řɣiǧet.
50 Xenni ict n tɣenjact n wureɣ n ɛecra ciqlu teccur s řebxur,
51 ijj n ufunas - ameẓyan n tfunast - ijj n icarri d ijj n izmar n ijj n useggʷas am tɣarṣt n wecmaḍ,
52 ijj n umyan zeg iɣayḍen i tɣarṣt n ddenb
53 u i tɣarṣt n řehna: tnayen n ifunasen, xemsa n icarriyyen, xemsa n iɣayḍen d xemsa n izmaren n ijj n useggʷas. Aqa ta d tawhibt n Ilicamaɛ, mmis n Ɛammihud.
54 Deg wass wiss tmenya iqeddem řḥakem n ayt n Manassa, Jamaliyil, mmis n Fadahṣur, tawhibt nnes.
55 Tuɣa-tt tawhibt nnes: ijjen ṭṭebṣi n nnuqart n mya u-třatin ciqlu n ddqeř, d icten ṭṭawya i urucci n nnuqart n sebɛin ciqlu, ɛlaḥsab ciqlu n Zzawect Iqeddsen. Tuɣa-ten s tnayen ccuren s waren azdad ixeǧḍen s zzect am tewhibt n řɣiǧet.
56 Xenni ict n tɣenjact n wureɣ n ɛecra ciqlu teccur s řebxur,
57 ijj n ufunas - ameẓyan n tfunast - ijj n icarri d ijj n izmar n ijj n useggʷas am tɣarṣt n wecmaḍ,
58 ijj n umyan zeg iɣayḍen i tɣarṣt n ddenb
59 u i tɣarṣt n řehna: tnayen n ifunasen, xemsa n icarriyyen, xemsa n iɣayḍen d xemsa n izmaren n ijj n useggʷas. Aqa ta d tawhibt n Jamaliyil, mmis n Fadahṣur.
60 Deg wass wiss tesɛa iqeddem řḥakem n ayt n Binyamin, Abidan, mmis n Jidɛuni, tawhibt nnes.
61 Tuɣa-tt tawhibt nnes: ijjen ṭṭebṣi n nnuqart n mya u-třatin ciqlu n ddqeř, d icten ṭṭawya i urucci n nnuqart n sebɛin ciqlu, ɛlaḥsab ciqlu n Zzawect Iqeddsen. Tuɣa-ten s tnayen ccuren s waren azdad ixeǧḍen s zzect am tewhibt n řɣiǧet.
62 Xenni ict n tɣenjact n wureɣ n ɛecra ciqlu teccur s řebxur,
63 ijj n ufunas - ameẓyan n tfunast - ijj n icarri d ijj n izmar n ijj n useggʷas am tɣarṣt n wecmaḍ,
64 ijj n umyan zeg iɣayḍen i tɣarṣt n ddenb
65 u i tɣarṣt n řehna: tnayen n ifunasen, xemsa n icarriyyen, xemsa n iɣayḍen d xemsa n izmaren n ijj n useggʷas. Aqa ta d tawhibt n Abidan, mmis n Jidɛuni.
66 Deg wass wiss ɛecra iqeddem řḥakem n ayt n Dan, Axiɛazar, mmis n Ɛamicadday, tawhibt nnes.
67 Tuɣa-tt tawhibt nnes: ijjen ṭṭebṣi n nnuqart n mya u-třatin ciqlu n ddqeř, d icten ṭṭawya i urucci n nnuqart n sebɛin ciqlu, ɛlaḥsab ciqlu n Zzawect Iqeddsen. Tuɣa-ten s tnayen ccuren s waren azdad ixeǧḍen s zzect am tewhibt n řɣiǧet.
68 Xenni ict n tɣenjact n wureɣ n ɛecra ciqlu teccur s řebxur,
69 ijj n ufunas - ameẓyan n tfunast - ijj n icarri d ijj n izmar n ijj n useggʷas am tɣarṣt n wecmaḍ,
70 ijj n umyan zeg iɣayḍen i tɣarṣt n ddenb
71 u i tɣarṣt n řehna: tnayen n ifunasen, xemsa n icarriyyen, xemsa n iɣayḍen d xemsa n izmaren n ijj n useggʷas. Aqa ta d tawhibt n Axiɛazar, mmis n Ɛamicadday.
72 Deg wass wiss ḥiṭac iqeddem řḥakem n ayt n Acir, Fajɛiyil, mmis n Ɛukran, tawhibt nnes.
73 Tuɣa-tt tawhibt nnes: ijjen ṭṭebṣi n nnuqart n mya u-třatin ciqlu n ddqeř, d icten ṭṭawya i urucci n nnuqart n sebɛin ciqlu, ɛlaḥsab ciqlu n Zzawect Iqeddsen. Tuɣa-ten s tnayen ccuren s waren azdad ixeǧḍen s zzect am tewhibt n řɣiǧet.
74 Xenni ict n tɣenjact n wureɣ n ɛecra ciqlu teccur s řebxur,
75 ijj n ufunas - ameẓyan n tfunast - ijj n icarri d ijj n izmar n ijj n useggʷas am tɣarṣt n wecmaḍ,
76 ijj n umyan zeg iɣayḍen i tɣarṣt n ddenb
77 u i tɣarṣt n řehna: tnayen n ifunasen, xemsa n icarriyyen, xemsa n iɣayḍen d xemsa n izmaren n ijj n useggʷas. Aqa ta d tawhibt n Fajɛiyil, mmis n Ɛukran.
78 Deg wass wiss tenɛac iqeddem řḥakem n ayt n Naftali, Axiraɛ, mmis n Ɛiynan, tawhibt nnes.
79 Tuɣa-tt tawhibt nnes: ijjen ṭṭebṣi n nnuqart n mya u-třatin ciqlu n ddqeř, d icten ṭṭawya i urucci n nnuqart n sebɛin ciqlu, ɛlaḥsab ciqlu n Zzawect Iqeddsen. Tuɣa-ten s tnayen ccuren s waren azdad ixeǧḍen s zzect am tewhibt n řɣiǧet.
80 Xenni ict n tɣenjact n wureɣ n ɛecra ciqlu teccur s řebxur,
81 ijj n ufunas - ameẓyan n tfunast - ijj n icarri d ijj n izmar n ijj n useggʷas am tɣarṣt n wecmaḍ,
82 ijj n umyan zeg iɣayḍen i tɣarṣt n ddenb
83 u i tɣarṣt n řehna: tnayen n ifunasen, xemsa n icarriyyen, xemsa n iɣayḍen d xemsa n izmaren n ijj n useggʷas. Aqa ta d tawhibt n Axiraɛ, mmis n Ɛiynan.
84 Tuɣa ta d tawhibt i udeccen n uɛalṭar zi řḥukkam n Israil deg wass nni di ittwadhen uɛalṭar: tenɛac n ṭṭbaṣi n nnuqart d tenɛac n ṭṭawyat i urucci n nnuqart d tenɛac n tɣenjayin n wureɣ.
85 Ijjen ṭṭebṣi n nnuqart iwzen mya u-třatin ciqlu d icten ṭṭawya i urucci iwzen sebɛin ciqlu. Marra nnuqart n řeqcuɛ nni tewzen ařfayen u-arebɛa-mya ciqlu ɛlaḥsab ciqlu n Zzawect Iqeddsen.
86 Tenɛac n tɣenjayin n wureɣ ccurent s řebxur. Kuř taɣenjayt tewzen ɛecra ciqlu, ɛlaḥsab ciqlu n Zzawect Iqeddsen. Marra ureɣ n tɣenjayin iwzen mya u-ɛicrin ciqlu.
87 Marra řebhayem i tɣarṣt n wecmaḍ aqa daysent tenɛac n ifunasen imeẓyanen, tenɛac n icarriyyen, tenɛac n izmaren n ijj n useggʷas ak-d tewhibt n řɣiǧet nsen, u tenɛac imyanen zeg iɣayḍen i tɣarṣt n ddenb.
88 Marra řebhayem n tɣarṣt n řehna aqa daysent arebɛa u-ɛicrin n ifunasen imeẓyanen, settin n icarriyyen d settin n iɣayḍen d settin n izmaren n ijj n useggʷas. Man aya d tawhibt i udeccen n uɛalṭar awarni ittwadhen.
89 Umi yudef Musa ɣar Uqiḍun n Umsagar, ḥima ad kides issiweř, isřa Tmijja tessiweř akides zi sennej n tqebbart n weṣřaḥ i iǧan x Ttabut n Cchadet, zi jar tnayen n ikiruben. Ammu i issiweř SIDI akides.