45
Awař n Irmiya i Barux
1 Awař nni issawař unabi Irmiya i Barux, mmis n Niri-Yah, umi yura wanita awařen zeg uqemmum n Irmiya deg ijj n wedlis ittwannḍen, deg useggʷas wiss arebɛa n Yahuyaqim, mmis n Yuciya, ajeǧid n Yahuda. Inna:
2 “Ammu i iqqar SIDI, AREBBI n Israil, xak, a Barux!
3 Cek tennid: ‘Axeyyeb i necc, maɣar SIDI yarenni ɛad acḍan x řeḥriq inu. Necc uḥřeɣ s wezhar, war ufiɣ arraḥet!’
4 Ittxeṣṣa ad as tinid: ‘Ammu i iqqar SIDI: Xzar, min ssbeddeɣ, ad t ɣeḍřeɣ, u min ẓẓuɣ, ad t qeřɛeɣ, wah, marra tammurt-a.
5 Ma texsed cek ad tarzud x tmesřayin timeqqranin i yixef nnec? War tent tarezzud ca, maɣar xzar, Necc ad ssiwḍeɣ ijj n řɣar x marra ddat, ammu i iqqar SIDI, maca ad ac wceɣ řeɛmar nnec d takeccaḍt di marra imucan mani ɣa traḥed.’ ”