☰ Ḥuciɛa 3
3
Ḥuciɛa ad iseɣ ict n temɣart izennan
1 SIDI inna ayi: “Ruḥ ict n twařa nneɣni, exs tamɣart nni ittwassɛizzen zeg umeddukkeř nnes, maca tezna, am mammec SIDI ittexs ayt n Israil, maca nitni xezzaren ɣar irebbiten nneɣni u ttexsen ṣṣedqet n weɣrum s zzbib.” ◼ 2 S uyenni sɣiɣ tt i necc s xemmesṭac n uqiyyat n nnuqart u s ijj n uḥumir ifeyyḍen n imendi. 3 Necc nniɣ as: “Cem ad ɣari teqqimed aṭṭas n wussan. War ttegg ca farq-ccɣeř u war ttiři n ijj n weryaz nneɣni, uca uřa d necc ad ggeɣ amenni akidsem.” ◘ 4 Maɣar ayt n Israil ad qqimen aṭṭas n wussan břa ajeǧid, břa řḥakem, břa taɣarṣt, břa amayḍu iqeddsen, břa apalṭu n ukehhan d řexyařat n l’aṣnam. ◘ 5 Awarni as ad dd-dewřen ayt n Israil¸ ad arzun x SIDI, AREBBI nsen u x Dawud, ajeǧid nsen. Deg uneggar n wussan ad dd-asen ttarjijin ɣar SIDI d tcuni nnes. ◘
 
 
◼ 3:1 tenni ittwassɛizzen zeg umeddukkeř - zi jjihet n tterjama aqa din jar yinni ittfessaren Adlis Iqeddsen array ifarzen, maca neccin nḍeffar array i iqqaren belli Arebbi inna i Ḥuciɛa belli ad yawi Jumir ɛawed d tamɣart nnes. Deg ayet i dd-ittasen awarni tanita iban-dd aqa ittxeṣṣa i Ḥuciɛa ad ixeǧeṣ ṣṣadaq ɛawed, maca qell x min tuɣa nnumen yeryazen ad xeǧṣen (řqimet n ṣṣadaq tuɣa tt 50 n řweznat n nnuqart - xzar Aɛwd. 22:29), maca Ḥuciɛa ixeǧeṣ řqimet n 30 n řweznat n nnuqart waha. Aqa balak tuɣa man aya minzi Jumir tuɣa tfessed arrimet nnes. ◘ 3:3 Aɛwd. 21:11 ◘ 3:4 Ḥuc. 10:3 ◘ 3:5 Ica. 2:2; Irm. 30:9; Ḥiz. 34:23; 37:22; Mixa 4:1
☰