36
Tarwa n Ɛisu
1 Ina d imezruyen n yinni dd-ittwaxeřqen zi Ɛisu, wenni iǧan d Idum.
2 Ɛisu iksi timɣarin nnes zeg yessis n Kenɛan: Ɛada, yeǧis n Ilun, Aḥitti, d Ahulibama, yeǧis n Ɛana, yeǧis n Ṣabɛun, Aḥiwi,
3 d Basmat, yeǧis n Ismaɛil, učmas n Nabayut.
4 Ɛada turuw-dd Ilifaz i Ɛisu uca Basmat turuw as-dd Raɛuwil.
5 Ahulibama turuw-dd Yaɛus d Yaɛlam d Quraḥ. Ina tuɣa aten d iḥenjiren n Ɛisu, inni d as dd-yurwen di temmurt n Kenɛan.
6 Uca iksi Ɛisu timɣarin nnes d iḥenjiren nnes d yessis d marra aytbab n taddart nnes uřa d řebhayem nnes d marra řmař nnes d marra agřa nnes nni tuɣa dd-ikseb zi temmurt n Kenɛan uca iruḥ ɣar temmurt nneɣni i iggʷejen x uɣembub n umas Yaɛqub,
7 minzi agřa nsen tuɣa imɣar ařami war zemmaren ad zedɣen jmiɛ, uca tammurt mani tuɣa zeddɣen am řbarrani, war tqedd i řebhayem nsen.
8 Xenni izdeɣ Ɛisu deg idurar n Saɛir. Ɛisu, netta d Idum.
9 Ina d imezruyen n yinni dd-ittwaxeřqen zi Ɛisu, babas n Idum, deg idurar n Saɛir.
10 Ina tuɣa aten d ismawen n iḥenjiren n Ɛisu: Ilifaz, mmis n Ɛada tenni d tamɣart n Ɛisu, Raɛuwil, mmis n Basmat, tenni d tamɣart n Ɛisu.
11 Iḥenjiren n Ilifaz tuɣa aten d Tayman, Umar, Ṣafu, Jaɛtam d Qanaz.
12 Timnaɛ tedweř d tayya n Ilifaz, mmis n Ɛisu, u nettat turuw-dd Ɛamaliq i Ilifaz. Ina tuɣa aten d iḥenjiren n Ɛada, tamɣart n Ɛisu.
13 Ina tuɣa aten d iḥenjiren n Raɛuwil: Naḥat, Zaraḥ, Camma d Mizza. Ina tuɣa aten d iḥenjiren n Basmat, tenni d tamɣart n Ɛisu.
14 Ina tuɣa aten d iḥenjiren n Ahulibama, tenni d tamɣart n Ɛisu, yeǧis n Ɛana, tenni d yeǧis n Zibyun. Nettat turuw-dd Yaɛuc, Jaɛlam d Quraḥ i Ɛisu.
15 Ina tuɣa aten d imɣaren n tqebbař n ayt n Ɛisu.
Iḥenjiren n Ilifaz, amenzu n Ɛisu: amɣar Timan d umɣar Umar d umɣar Ṣafu d umɣar Qinaz,
16 d umɣar Quraḥ, d umɣar Gatam, d umɣar Ɛamaliq. Ina tuɣa aten d imɣaren n Ilifaz di temmurt n Idum, ina tuɣa aten d iḥenjiren n Ɛada.
17 Ina tuɣa aten d iḥenjiren n Raɛuwil, mmis n Ɛisu: amɣar Naḥat d umɣar Zaraḥ d umɣar Samma d umɣar Mizza. Ina tuɣa aten d imɣaren n Raɛuwil di temmurt n Idum, d ina tuɣa aten d iḥenjiren n Basmat, tamɣart n Ɛisu.
18 Ina tuɣa aten d ayt n Ahulibama, tamɣart n Ɛisu: amɣar Yaɛuc d umɣar Yaɛlam d umɣar Quraḥ. Ina tuɣa aten d imɣaren n Ahulibama, tamɣart n Ɛisu, yeǧis n Ɛana.
19 Ina tuɣa aten d iḥenjiren n Ɛisu d ina tuɣa aten d imɣaren n tqebbař nsen, nitni d Idum.
20 Ina tuɣa aten d iḥenjiren n Saɛir, Axuri, inni d imezdaɣ n temmurt nni: Luṭan, Cubal, Ṣabɛun, Ɛana,
21 Dicun, Iṣar d Dican.
Ina tuɣa aten d imɣaren n tqebbař n Ixuriyyen, ayt n Saɛir di temmurt n Idum.
22 Iḥenjiren n Luṭan tuɣa aten d Axuri d Haymam uca tuɣa Timnaɛ d učmas n Luṭan.
23 Ina tuɣa aten d iḥenjiren n Cubal: Ɛalwan, Manaḥat, Ɛibal, Cafu d Unam.
24 Ina tuɣa aten d iḥenjiren n Ṣabɛun: Aya d Ɛana. D Ɛana wanita d wenni d yufin řɛunṣarat s waman iḥman di řexřa, umi yarwes iɣyař n Zibiyun babas.
25 Ina tuɣa aten d iḥenjiren n Ɛana: mɣir Dicun, d Ahulibama, yeǧis n Ɛana.
26 Ina tuɣa aten d iḥenjiren n Dican: Ḥamdan d Ahban d Yitran d Karan.
27 Ina tuɣa aten d iḥenjiren n Iṣar: Bilhan, Zaɛwan d Ɛaqan.
28 Ina tuɣa aten d iḥenjiren n Dican: Ɛuṣ d Aran.
29 Ina tuɣa aten d imɣaren n tqebbař n Ixuriyyen: amɣar Luṭan d umɣar Cubal d umɣar Ṣabɛun d umɣar Ɛana
30 d umɣar Dicun d umɣar Iṣar d umɣar Dican. Ina tuɣa aten d imɣaren n Ixuriyyen ɛlaḥsab imɣaren nsen di temmurt n Saɛir.
31 Ina tuɣa aten d ijeǧiden nni iḥekmen di temmurt n Idum qbeř ma ad iḥkem ujeǧid x ayt n Israil:
32 Bilaɛ, mmis n Baɛur, iḥkem di Idum uca isem n tendint nnes tuɣa-t d Dinhaba.
33 Immut Bilaɛ uca Yubab, mmis n Zaraḥ zi Buṣra idweř d ajeǧid deg wemcan nnes.
34 Yubab immut uca Ḥucam, zi temmurt n Itaymaniyyen, idweř d ajeǧid deg wemcan nnes.
35 Immut Ḥucam uca Hadad, mmis n Badad, wenni iɣeřben x Midyan deg iyyar n Mu’ab, idweř d ajeǧid deg wemcan nnes. Isem n tendint nnes qqaren as Ɛawit.
36 Immut Hadad uca Samla zi Masriqa idweř d ajeǧid deg wemcan nnes.
37 Immut Samla uca Cawul, zi Raḥubut ɣar yeɣzar n Lfuraṭ, idweř d ajeǧid deg wemcan nnes.
38 Immut Cawul uca Baɛl-Ḥanan, mmis n Ɛakbur, idweř d ajeǧid deg wemcan nnes.
39 Immut Baɛl-Ḥanan, mmis n Ɛakbur, uca Hadar idweř d ajeǧid deg wemcan nnes. Tandint nnes qqaren as Faɛu u tamɣart nnes qqaren as Mahiṭab’il, yeǧis n Maṭrid, yeǧis n Ma-Dahab.
40 Ina tuɣa aten d ismawen n imɣaren n tqebbař n Ɛisu ɛlaḥsab řaǧat nsen d imucan nsen d ismawen nsen: amɣar Timnaɛ d umɣar Ɛalwa d umɣar Yatit
41 d umɣar Ahulibama d umɣar Ila d umɣar Finun
42 d umɣar Qanaz d umɣar Tayman d umɣar Mibṣar
43 d umɣar Majdiyil d umɣar Ɛiram. Ina tuɣa aten d imɣaren n Idum ɛlaḥsab imucan nsen, di temmurt n řmelk nsen. Wanita d Idum, wenni d babas n Idumiyyen.
44 Uca izdeɣ Yaɛqub di temmurt n Kenɛan mani tuɣa izeddeɣ babas am ubarrani.
Ina d imezruyen n yinni dd-ittwaxeřqen zi Yaɛqub.