10
Řgens iggʷej x temɣarin iɣriben
1 Umi iẓẓuǧ Ɛizra ammu, inɛem, iru uca iwḍa x ifadden zzat i Taddart n AREBBI, aqa issmun-dd xas řɣaci d ameqqran aṭṭas n yeryazen d temɣarin d iḥenjiren n Israil, minzi řgens iru s imeṭṭawen imeqqranen.
2 Xenni Cakanya, mmis n Yaḥiyil, ijjen zeg ayt n Ɛilam, iṭṭef deg wawař, inna i Ɛizra:
“Neccin aqa neɣdar AREBBI nneɣ uca neccin niwi timɣarin tibarraniyyin zi řegnus n temmurt, nessezdeɣ i-tent akidneɣ. Xenni řexxu, aqa din ɛad řayas i Israil di man aya.
3 Ejj aneɣ ad negg ijj n řɛahd ak-d AREBBI ḥima ad naẓẓeř x marra timɣarin d min zzaysent dd-ixeřqen, ɛlaḥsab acawar n Sidi inu u n yinni ittarjijen i řumur n AREBBI, uca xenni ad ittwagg ɛlaḥsab Ccariɛa.
4 Kkar, minzi tamesřact-a aqa-tt x weɛrur nnec u neccin akidek nbedd. Iři d aryaz, egg i-tt!”
5 Xenni ikkar Ɛizra uca ijja imeqqranen n ikehhanen d Ilawiyyen d marra Israil ad jjaǧen ad ggen ɛlaḥsab awař-a uca nitni jjuǧen.
6 Xenni ikkar Ɛizra iffeɣ zi zzat i wudem n Taddart n AREBBI, yudef ɣar wexxam n Yuḥanan, mmis n Ilyasib. Umi yudef dinni, war icci aɣrum war iswi aman, maɣar icḍen x řeɣdar n ayt n lmenfa.
7 Uca ggin ijj n ubarreḥ di Yahuda d Urcalim i marra ayt n lmenfa maḥend ad munen di Urcalim.
8 Qaɛ wenni war dd-yusin di řmijar n třata n wussan, am mammec iǧa deg ucawar n řḥukkam d iwessura, marra agřa nnes ad as ittwaḥarrem u netta simant nnes ad ittwammsebḍa x wegraw n řgens n ayt n lmenfa
9 Di třata n wussan nnjarwen marra iryazen n Yahuda d Binyamin di Urcalim. Tuɣa deg wass wiss ɛicrin n uyur wiss tesɛa. Marra řgens iqqim deg wazzay n Taddart n AREBBI, ttarjijen zi tmesřact-a uřa zeg wenẓar i dd-iwettan s waṭṭas.
10 Ikkar ukehhan Ɛizra, inna asen: “Kenniw teɣdarem u tiwyem timɣarin tibarraniyyin zi řegnus tesszedɣem tent akidwem u ammu i teggim tarnim deg umarwas n Israil.
11 Xenni řexxu, qadam SIDI, AREBBI n řejdud nwem, u ggem min ixs Netta uca mmsebḍam x řegnus n temmurt uřa x temɣarin tibarraniyyin.”
12 Marra agraw n řgens yarra-dd xas s jjhed: “Aqa-t x weɛrur nneɣ maḥend ad negg ɛlaḥsab awařen nnec!
13 Maca aqa din aṭṭas n iwdan u aqa d řweqt n wenẓar. War ɣarsen bu jjehd maḥend ad qqimen bedden barra uřa d man aya war iǧi d ict n řxedmet n ijj niɣ tnayen n wussan, minzi aṭṭas zzayneɣ ɛeddan di tmesřact-a.
14 Ejj ad bedden řḥukkam nneɣ di ṭṭweɛ n marra agraw n řgens uca ad dd-asen deg wussan ittwaggen marra inni di tneddam yiwyen ɣarsen timɣarin tibarraniyyin, sszedɣen tent di tudrin nsen, uca jmiɛ akidsen uřa d iwessura n kuř tandint d řquḍat nnes, ař xaneɣ ɣa ibeɛɛed řḥaduq n weɣḍab n AREBBI nneɣ.”
15 Mɣir Yunatan, mmis Ɛasa’il, d Yaḥazya, mmis n Tiqwa, tuɣa ttɛekksen x man aya u Macullam d Cabatay, Alawi, wcin asen afus.
16 Maca iryazen nni iɛeqben zi lmenfa ggin t ammu. Xenni ittwafarz ukehhan Ɛizra d yeryazen inni d izeǧifen x ibabaten n řaǧat n ibabaten nsen. Nitni marra ttwařaɣan s yisem nsen uca qqimen deg wass amezwaru n uyur wiss ɛecra, ḥima ad arzun di tmesřact-a.
17 Deg wass amezwaru n uyur amezwaru kemmřen nitni tarezzut di marra iryazen nni iggin ad sszedɣen akidsen timɣarin tibarraniyyin.
18 Ittwaf belli inni zeg ayt n ikehhanen inni isszedɣen ɣar ixef nsen temɣarin tibarraniyyin, aqa aten zeg ayt n Yahucaɛ, mmis n Yuṣadaq, u zeg aytmas, Maɛasiya d Aliɛazar d Yarib d Jadalya.
19 Nitni wtin x ufus ad ssekken timɣarin nsen, u umi daysen amarwas, ad awyen ijjen zeg wuǧi i umarwas nsen.
20 Zeg iḥenjiren n Immir: Ḥanani d Zabadya.
21 Zeg iḥenjiren n Ḥarim: Maɛasiya, Iliya, Camɛiya, Yaḥiyil d Ɛuzziya.
22 Zeg iḥenjiren n Facḥur: Ilyuɛinay, Maɛasiya, Ismaɛil, Natanayil, Yuzabad d Alɛasa.
23 Zi Ilawiyyen: Juzabad, Cimɛi, Qalaya, wa d Qaliṭa, d Fatḥya, Yahuda d Aliɛazar.
24 Zeg imedyazen: Alyasib.
Zeg iɛessasen n tewwura: Callum, Ṭalam d Uri.
25 Zi Israil: zeg ayt n Farɛuc: Ramya, Jiziya, Malkiya, Miyamin, Aliɛazar, Malkiya d Banaya.
26 Zeg ayt n Ɛilam: Mattanya, Zakariyya, Yaḥiyil, Ɛabdi, Yarimut d Iliya.
27 Zeg ayt n Zattu: Ilyuɛinay, Ilyacib, Mattanya, Yarimut, Zabad d Ɛaziza.
28 Zeg ayt n Babay: Yuḥanan, Ḥananya, Zabbay d Ɛatlay.
29 Zeg ayt n Bani: Macullam, Mallux, Ɛadaya, Yacub, Ca’al d Yaramut.
30 Zeg ayt n Faḥat-Mu’ab: Ɛadna, Kalal, Banaya, Maɛasiya, Mattanya, Baṣaliyil, Binnuy d Manassa.
31 Zeg ayt n Ḥarim: Aliɛazar, Yacci-Yah, Malkiya, Camɛiya, Cimɛun,
32 Binyamin, Mallux d Camarya.
33 Zeg ayt n Ḥacum: Mattanay, Mattatta, Zabad, Ilifalaṭ, Yarimay, Manassa, Cimɛi.
34 Zeg ayt n Bani: Maɛaday, Ɛamram d Uwyil,
35 Banaya, Badya, Kaluhi,
36 Wanya, Marimut, Ilyacib,
37 Mattanya, Mattnay, Yaɛsu,
38 Bani, Binnuy, Cimɛi,
39 Calmaya, Natan, Ɛadaya,
40 Maknadbay, Cacay, Caray,
41 Ɛazaryil, Calamya, Camarya,
42 Callum, Amarya, Yusuf.
43 Zeg ayt n Nabu: Yaɛiyil, Mattitya, Zabad, Zabina, Yaddu, Yuwil d Banaya.
44 Marra ina tuɣa iwyen timɣarin tibarraniyyin uca ca zzaysen tuɣa ɣarsen timɣarin urwent-i-dd iḥenjiren. *