82
1 أَزهّذْ ن أَسَافْ.
أَربِّي إِبدّْ ذِي ثْمسْمُونْثْ ن أَربِّي.
نتَّا إِحكّمْ س ڒْحقّْ
ذِي ڒْوسْثْ ن إِربِّيثنْ.
2 مشْحَاڒْ إِ غَا ثكّمْ
ثْحكّْممْ س ڒْغشّْ،
أَذْ ثسّْڭعّْذمْ ؤُذمْ ن إِعفَّاننْ؟
سِيلَاهْ.
3 حكْممْ س ڒْحقّْ خْ ؤُمَارْخُو
ؤُ خْ ؤُيُوجِيڒْ،
أَغمْ ثَاسْغَارْثْ إِ ونِّي إِتّْوَاحصَّارنْ
ؤُ إِ ؤُمزْڒُوضْ.
4 فكّمْ أَمَارْخُو ذ ؤُمزْڒُوضْ،
فكّْ إِ-ث زڭْ ؤُفُوسْ ن إِعفَّاننْ.
5 نِيثْنِي وَارْ تّسّْننْ ؤُ وَارْ فهّْمنْ،
ڭُّورنْ تّنّْضنْ ذِي ثَادْجسْثْ،
مَارَّا ذْسُوسَا ن ثمُّورْثْ تّنْهزَّانْ.
6 نشّْ نِّيغْ: ”كنِّيوْ ذ إِربِّيثنْ،
كنِّيوْ مَارَّا ذ إِحنْجِيرنْ
ن ؤُمْعُودْجِي خْ كُوڒْشِي!“
7 عَاذْ أَذْ ثمْثمْ أَمْ كُوڒْ بْنَاذمْ،
أَذْ ثوْضَامْ أَمْ كُوڒْ إِجّنْ زِي ڒْحُوكَّامْ.
8 كَّارْ، أَ أَربِّي، حْكمْ خْ ثمُّورْثْ،
مِينْزِي شكْ أَذْ ثطّْفذْ ثَاسْغَارْثْ نّشْ
زِي مَارَّا ڒڭْنُوسْ.