١٢٨
١ إِزْڒِي ن ؤُڭعّذْ.
سّعْذْ ن كُوڒْ إِجّْ
ونِّي إِتّڭّْوذنْ سِيذِي،
ونِّي إِڭُّورنْ ذڭْ إِبْرِيذنْ نّسْ.
٢ أَقَا أَذْ ثشّذْ
زڭْ وَارْبرْ ن إِفَاسّنْ نّشْ،
أَذْ ثِيڒِيذْ ذ أَمِيمُونْ ذ لمْلِيحْ.
٣ ثَامْغَارْثْ نّشْ أَذْ ثِيڒِي
أَمْ إِشْثْ ن ثْزَايَارْثْ إِ د-إِتَّاوْينْ ڒْْغِيدْجثْ
ذِي ثَادَّارْثْ نّشْ،
أَرَّاونْ نّشْ أَذْ إِڒِينْ
أَمْ إِغمُّوينْ ن زِّيثُونْ
قُووَّارنْ إِ طَّابْڒَا نّشْ.
٤ أَمُّو إِ غَا إِتّْوَابَاركْ ورْيَازْ إِجهْذنْ
نِّي إِتّڭّْوذنْ سِيذِي.
٥ سِيذِي أَذْ شكْ إِبَاركْ زِي صِيهْيُونْ،
ؤُ أَذْ ثْژَارذْ أَقَا ؤُرْشَالِيمْ أَذْ ثِيڒِي مْلِيحْ،
مَارَّا ؤُسَّانْ ن ثُوذَارْثْ نّشْ،
٦ وَاهْ، أَذْ ثْژَارذْ
إِحنْجِيرنْ ن إِحنْجِيرنْ نّشْ.
ڒهْنَا أَذْ يِيڒِي خْ إِسْرَائِيل.