3
Ndo Juan bakeꞌe ndo ngataꞌa jna̱
(Mt. 3:1-12; Mr. 1:1-8; Jn. 1:19-28)
1 Ó chónda tenaꞌó nano baketuanꞌan xi Tiberio César, ko xi Poncio Pilato baketuanꞌan xa nunte Judea, ko xi Herodes baketuanꞌan xa nunte Galilea, ko xi kichuu xi Herodes ndatinꞌin Felipe baketuanꞌan xa nunte Iturea ko nunte Traconite, ko xi Lisanias baketuanꞌan xa nunte Abilinia.
2 Ko xi Anás ko xi Caifás xitaana ícha tetuanꞌan. Nchakon meꞌe ndo Dio, nichjeꞌe ndo ndo Juan, chjenꞌen ndo Zacarías, xjan bakeꞌe ntajie.
3 Ko ndo Juan ikjui ndo kain tjajna ngandeꞌe inda jitinga ndatinꞌin Jordán ko ndache ndo kain na̱ ixi xrokonda tsintuꞌe na̱ ti ndakoꞌa ncheꞌe na̱ ko tsikitée na̱ ixi ndo Dio jaña sincheméꞌe ndo kain ijie̱ chónda na̱.
4 Jaña jitaxin xroon tsikjin ndo profeta Isaías ndachro:
Naa tée sen nichja ntajie tuyako ko ndachro:
“Nchekonchjiannta chaꞌo tsaji Ncháina,
tantjeꞌenta naa chaꞌo nao itji.
5 Ko kain tsaaka tsingachjian inche,
ko kain jna̱ ko kain ngandeꞌe jna̱, jian tsonataunxin;
ko kain chaꞌo nango itji, xroxendueꞌe chaꞌo
ko kain chaꞌo nataonxinꞌa, tsonataunxin chaꞌo.
6 Méxin, kain ni ste ngataꞌa nunte ntiꞌi tsonoꞌe na̱ ngisen xruanꞌan ndo Dio,
tsantsje ndo ijie̱ chónda chujni.”
7 *Nchakon meꞌe kueya na̱ bakonchjiñeꞌe na̱ ixi ndo Juan tsikitée ndo na̱, ko jeꞌe ndo ndache ndo na̱:
―¡Jaꞌanta tsikachrjenixinnta kunchee! ¿Ngisen ntatjunta satsingeꞌenta juañaue ndo Dio ti ó tuinxin tsi̱i̱?
8 *Xrokonda tsindoxinnta ti ndakoꞌa ncheꞌenta ko jian titikaonnta ti tetuanꞌan ndo Dio. Ko Ndachroꞌanta: “Janꞌanna ícha jianna ixi kuachrjenixinna ndo Abraham.” Ko janꞌan nduaxin ntatjunta ixi ndo Dio chao sinchéña ndo ixro jiꞌi xrokjan xjantié ndo Abraham.
9 *Méxin, ó jichónꞌen chika jacha xrochrijinxin nta̱a̱, nueꞌe nta̱a̱ xrochrijinxin nta̱a̱. Méxin kain nta̱a̱ tajonꞌa itu cháña tsjánka na̱ nta̱a̱ ko tsaa nta̱a̱ xroꞌi.
10 Ko tjumeꞌe juanchangiꞌe na̱ ndo Juan ko ndachro na̱:
―¿Ngeꞌe xrokonda sintaꞌana?
11 Ko juatingíexin ndo Juan ko ndachro ndo:
―Ngisen chónda yuu manta xrochjée sen naa manta ni xroꞌan ngeꞌe chónda. Ko ngisen chónda ngeꞌe sine xrochjée sen ni chóndaꞌi.
12 *Ko konchjiñeꞌe kaxin ni xengeꞌe iꞌna̱ tomi tjanchia xi tetuanꞌan ko kaxon tjaun na̱ tsikitée na̱, méxin, juanchangiꞌe na̱ ndo Juan:
―Maestro, ¿ngeꞌe xrokonda sintaꞌana janꞌanna?
13 Ko jeꞌe ndo ndachro ndo:
―Jeꞌo tjanchianta ti nduaxin sínká na̱.
14 Ko kaxon kaxin xisoldado juanchangiꞌe xa ndo Juan:
―Kaxon janꞌanna, ¿ngeꞌe sintaꞌana?
Ko jeꞌe ndo juatingíexin ndo:
―Tantsjeꞌanta chujni ngeꞌe chónda na̱, ko nchexronkaꞌinta na̱ ixi ngeꞌe juincheꞌa na̱, ko takeꞌénta juaxruxin ixi jeꞌo tomi tjachanta.
15 Kain ni ste ntiꞌa tjao na̱ ixi jeꞌe ndo Juan á ndo Cristo ndo.
16 Ko ndo Juan ndache ndo kain na̱:
―Janꞌan nduaxin ntatjunta ixi janꞌan tikitéxinnta inda, ko tsi̱i̱ naa ngisen tsikitéxinnta ndo ixi Espíritue ndo Dio ko xroꞌi. Ko jeꞌe ndo ícha ijié juachaxin chónda ndo ixi juachaxin chonda janꞌan. Janꞌan tikinixinnaꞌi tsoxindangaꞌa tjuée katée ndo.
17 Ko jeꞌe ndo ó bikaꞌo ndo naa kachrintu ixi tsjenduaxin ndo noatrigo ixi tsachrjekjeꞌen xineno. Tsjatsiꞌin ndo kain noatrigo ti tikinixin tsjiꞌin no, ko kain xineno tsjánka ndo ti xroꞌi juaꞌi tsanga.
18 Jaña ndachro ndo Juan ko ndache ndo na̱ ikaxin ngeꞌe ko chronga ndo chijni jian.
19 *Ko kaxon kuyakutee ndo Juan xi Herodes, xi tetuanꞌan, ixi jikao xa nchri Herodías, nchrinchriꞌe xikichuu xa, xi ndatinꞌin Felipe, ko kaxon ndo Juan koñao ndo ngajin xi Herodes ixi ícha ngeꞌe ndakoꞌa juincheꞌe xa.
20 Ko xi Herodes kuitikaonꞌa xa, ko ícha chinga juincheꞌe xa ko kaxon bijeꞌe xa ndo Juan ndoꞌachjiso.
Bikitée ndo Jesús
(Mt. 3:13-17; Mr. 1:9-11)
21 Ko nchakon xrajitikitée ndo Juan kueya na̱, kaxon kui̱i̱ ndo Jesús bikitée ndo. Ko hora jinichja ndo Jesús ngajin ndo Dio xitjeꞌe̱ ngajní
22 *ko Espíritue ndo Dio xingajin xranchi naa kuntúá ko bakeꞌe ba ngataꞌa jaa ndo Jesús ko kuinꞌenni nichja naa ngisen jii ngajní ndachro:
―Jaꞌa chjanꞌna ko tsango tjuaꞌa. Ko janꞌan ritjén juaxruxin ngajian.
Kain ndotáchriꞌe xranchrjen ndo Jesús
(Mt. 1:1-17)
23 Ndo Jesús kuachónda ndo xranchi ikánte nano nchakon ti juangíxin ndo xrée ndo.
Ko kain na̱ xraxaon na̱ ixi jeꞌe ndo Jesús chjenꞌen ndo José.
Ko ndo José chjenꞌen ndo Elí,
24 ko ndo Elí chjenꞌen ndo Matat,
ko ndo Matat chjenꞌen ndo Leví,
ko ndo Leví chjenꞌen ndo Melqui,
ko ndo Melqui chjenꞌen ndo Jana,
ko ndo Jana chjenꞌen ndo José.
25 Ko ndo José chjenꞌen ndo Matatías,
ko ndo Matatías chjenꞌen ndo Amós,
ko ndo Amós chjenꞌen ndo Nahum,
ko ndo Nahum chjenꞌen ndo Esli,
ko ndo Esli chjenꞌen ndo Nagai,
26 ko ndo Nagai chjenꞌen ndo Maat,
ko ndo Maat chjenꞌen ndo Matatías,
ko ndo Matatías chjenꞌen ndo Semei,
ko ndo Semei chjenꞌen ndo José,
ko ndo José chjenꞌen ndo Judá.
27 Ko ndo Judá chjenꞌen ndo Juana,
ko ndo Juana chjenꞌen ndo Resa,
ko ndo Resa chjenꞌen ndo Zorobabel,
ko ndo Zorobabel chjenꞌen ndo Salatiel,
ko ndo Salatiel chjenꞌen ndo Neri.
28 Ko ndo Neri chjenꞌen ndo Melqui,
ko ndo Melqui chjenꞌen ndo Adi,
ko ndo Adi chjenꞌen ndo Cosam,
ko ndo Cosam chjenꞌen ndo Elmodam,
ko ndo Elmodam chjenꞌen ndo Er.
29 Ko ndo Er chjenꞌen ndo Josué,
ko ndo Josué chjenꞌen ndo Eliezer,
ko ndo Eliezer chjenꞌen ndo Jorim,
ko ndo Jorim chjenꞌen ndo Matat.
30 Ndo Matat chjenꞌen ndo Leví,
ko ndo Leví chjenꞌen ndo Simeón,
ko ndo Simeón chjenꞌen ndo Judá,
ko ndo Judá chjenꞌen ndo José,
ko ndo José chjenꞌen ndo Jonán,
ko ndo Jonán chjenꞌen ndo Eliaquim.
31 Ndo Eliaquim chjenꞌen ndo Melea,
ko ndo Melea chjenꞌen ndo Mainán,
ko ndo Mainán chjenꞌen ndo Matata,
ko ndo Matata chjenꞌen ndo Natán.
32 Ndo Natán chjenꞌen ndo David,
ko ndo David chjenꞌen ndo Isaí,
ko ndo Isaí chjenꞌen ndo Obed,
ko ndo Obed chjenꞌen ndo Booz,
ko ndo Booz chjenꞌen ndo Salmón,
ko ndo Salmón chjenꞌen ndo Naasón.
33 Ndo Naasón chjenꞌen ndo Aminadab,
ko ndo Aminadab chjenꞌen ndo Aram,
ko ndo Aram chjenꞌen ndo Esrom,
ko ndo Esrom chjenꞌen ndo Fares,
ko ndo Fares chjenꞌen ndo Judá.
34 Ko ndo Judá chjenꞌen ndo Jacob,
ko ndo Jacob chjenꞌen ndo Isaac,
ko ndo Isaac chjenꞌen ndo Abraham,
ko ndo Abraham chjenꞌen ndo Taré,
ko ndo Taré chjenꞌen ndo Nacor.
35 Ndo Nacor chjenꞌen ndo Serug,
ko ndo Serug chjenꞌen ndo Ragao,
ko ndo Ragao chjenꞌen ndo Peleg,
ko ndotée ndo Peleg meꞌe ndo Heber,
ko ndo Heber chjenꞌen ndo Sala.
36 Ndo Sala chjenꞌen ndo Cainán,
ko ndo Cainán chjenꞌen ndo Arfaxad,
ko ndo Arfaxad chjenꞌen ndo Sem,
ko ndo Sem chjenꞌen ndo Noé,
ko ndo Noé chjenꞌen ndo Lamec.
37 Ndo Lamec chjenꞌen ndo Matusalén,
ko ndo Matusalén chjenꞌen ndo Enoc,
ko ndo Enoc chjenꞌen ndo Jared,
ko ndo Jared chjenꞌen ndo Mahalaleel,
ko ndo Mahalaleel chjenꞌen ndo Cainán.
38 Ndo Cainán chjenꞌen ndo Enós,
ko ndo Enós chjenꞌen ndo Set,
ko ndo Set chjenꞌen ndo Adán,
ko ndo Adán chjenꞌen ndo Dio.