5
1 Chujni bakayéꞌe ixra̱ ndotaana ícha tsituanꞌan, ndo Dio tincheꞌe ndo sen ngakjenꞌen sen xi, ixi xronichjaxin ndo ixi jeꞌe sen ngajin ndo Dio. Ixi jeꞌe ndotaana tsikao ndo ti tajon tjajnée ndo tsayéꞌe ndo Dio, kaxon jeꞌe ndotaana tsikao ndo iko, ko iko meꞌe tsenꞌen ba ixi jaña tsoméꞌe ijie̱ chónda chujni.
2 Ko ndotaana meꞌe kaxon noꞌe ndo ixi tangi tsitikaonni ndo Dio, méxin jeꞌe ndo chao tsikonoꞌe ndo chujni noeꞌa ko ndakoꞌa ncheꞌe.
3 Jeꞌe ndotaana kaxon chónda ndo ijie̱, méxin, xrokonda tsóña ndo iko tsajon ndo ixi jaña tsoméꞌe jíee ndo, ko tsóña ndo iko ixi tsoméxin jíee chujni.
4 Ko xroꞌan ngisen jeꞌo sen xrondachro sen ixi jeꞌe sen ndotaana ícha tetuanꞌan. Naꞌi, ndo Dio xrokonda tsincheꞌe ndo sen ko jeꞌe ndo tajon ndo juachaxin ngajin sen, jaña juincheꞌe ndo nchakon kuincheꞌe ndo ndo Aarón.
5 Jaña ndo Cristo, jeꞌa jeꞌo ndo ndachro ndo ixi jeꞌe ndo ndotaana ícha tetuanꞌan. Naꞌi. Ndo Dio kuajon ndo juachaxin meꞌe, méxin, tsindachro ndo:
Jaꞌa chjanꞌna;
ko xrondachrja̱n janꞌan jai janꞌan ndotáa.
6 Kaxon jaꞌin jitaxin xroon chijnie ndo Dio:
Jaꞌa naa ndotaana tsakeꞌe kainxin nchakon,
xranchi bakeꞌe ndo Melquisedec.
7 *Nchakon bakeꞌe ndo Cristo ngataꞌa nunte xasintajni tsango soji kuinóatée ndo ko kuintjí ndakon ndo ngajin ndo Dio, ndo chónda ijié juachaxin tsingijna ndo ndo Cristo ixi tsenꞌa ndo. Jeꞌe ndo Cristo tsango kuitikaon ndo, méxin kuinꞌen ndo Dio ti juanchia ndo.
8 Maski ndo Cristo, Chjenꞌen ndo Dio, chinga juinchekao na̱ ndo, jeꞌe ndo kuitikaon ndo ndotée ndo.
9 Jeꞌe ndo tsango tjúá aséen ndo ko kuitikaon ndo kain ngeꞌe kuituenꞌen ndo; méxin, jeꞌe ndo chónda ndo ijié juachaxin ko tsajon ndo juachaxin meꞌe ngajin sen titikaon ndo ko tsechón sen kain nchakon.
10 Méxin, ndachro ndo Dio jeꞌe ndo Jesús ndotaana ícha tetuanꞌan xranchi bakeꞌe ndo Melquisedec.
Tintueꞌanta chijnie ndo Dio
11 Janꞌanna chondana itsjé ngeꞌe sintakuanꞌannanta ixi chijni jiꞌi, ko tsango tangi xrontatjunanta ixi jaꞌanta tsango indao tienxinnta.
12 *Jaꞌanta ó chao xrojuinchekuenꞌennta ikaxin sen ixi jaꞌanta ó sée noꞌanta chijni jiꞌi. Ko jai xrokonda íjngo tsaxi tsokuanꞌannta chijnie ndo Dio. Jaꞌanta stenta xranchi naa xjan nchíín neꞌa xjan ti ine sen cha, xrokonda tsiꞌi xjan itsjin.
13 Ko sen tiꞌi itsjin, sen meꞌe ste sen xranchi naa xjan nandá tsijongíꞌe, tienxinꞌa sen chijnie ndo Dio, méxin, juaꞌi ncheꞌe sen ti jian.
14 Ko sen tienxin ko noꞌe ngeꞌe ti jian ko ti ndakoꞌa, sen meꞌe ó ine sen ngeꞌe ine ti sen ícha.