Da 54. Psalm.
En Gebayt Fa Frei Kalda Sei
Zumm foah-singah. Fa foah-kshpeeld sei mitt harfa. En lanning fumm Dawfit noch demm es di mennah funn Siph zumm Saul ganga sinn un henn ksawt, “Da Dawfit is am sich fashtekla unnich uns.”
1 Helf miah, oh Gott, deich dei nohma;
deich dei graft shaff aus mei recht fa mich.
2 Heich mei gebayt oh, oh Gott,
un heich di vadda ab funn mei maul.
3 Shtolsi leit henn sich ufkshteld geyyich mich;
unfashtendlichi mennah vella mei layva nemma;
si henn Gott nett fannich sich ksetzt.
(Sela)
4 Avvah gukket moll, Gott is mei helfah;
da Hah hald mei sayl levendich.
5 Eah drayt's evila funn mei feinda zrikk uf si selvaht;
un sei shtandhaftichkeit bringd si zu en end.
6 Ich bring en frei-villich opfah zu diah,
un ich gebb dank zu dei nohma, oh Hah,
fa es is goot.
7 Du machsht mich frei funn awl mei druvvel;
mei awwa gukka uf mei feinda un sinn zufridda.