Da 100. Psalm.
En Lohb-Leet Fa Gott Sei Leit
En Dank-Psalm.
1 Greishet mitt frayt zumm Hah ivvahrawlich in di eaht.
2 Deenet da Hah mitt frayt;
kummet fannich een un singet mitt fraylichkeit.
3 Bekennet es da Hah Gott is;
eah hott uns gmacht, un miah sinn sei;
miah sinn sei leit, un di shohf funn sei vayt.
4 Gaynd deich sei tempel-deahra un seind dankboah,
un in sei hohf mitt lohb.
Danket een un lohvet sei nohma.
5 Fa da Hah is goot;
sei leevi bleibt fa'immah,
un sei shtandhaftichkeit bleibt ayvichlich.