127
God Goodness
Solomon Song
1 Unless God build house,
di pipol wey dey build am,
just dey waste dia time.
Unless God guide town,
doz wey dey guide am, nor go fit protet am.
2 E dey yuzles to work hard from morning go rish nite,
bikos of wetin yu go chop.
Yes! God dey provide for di pipol wey E love,
even wen dem dey sleep.
3 Yes! Shidren na God gift;
dem bi reward from awa Oga God.
4 Pikin wey yong man born,
strong like arrow for warrior hand.
5 Na dem bi di main rizin wey make man dey happy
and shame nor go katch di man
even wen e meet en enemies for di town gate.